Фота з архіва
4 верасня, Мінск /Кар. БЕЛТА/. Камітэт дзяржкантролю прадаўжае работу па вывучэнні пытанняў паўнаты адпрацоўкі выпускнікамі ўстаноў вышэйшай і сярэдняй спецыяльнай адукацыі абавязковага тэрміну работы па размеркаванні. Аб гэтым БЕЛТА паведамілі ў КДК.
Так, КДК Гомельскай вобласці ўстаноўлена, што ў шэрагу ВНУ і ССНУ рэгіёна не быў забяспечаны належны кантроль за выкананнем выпускнікамі ўстаноўленага тэрміну адпрацоўкі. Больш таго, асобныя ўстановы адукацыі не забяспечылі зваротную сувязь з наймальнікамі, да якіх размяркоўваліся выпускнікі, у тым ліку пры іх звальненні з-за невыканання працоўнага заканадаўства (напрыклад, за прагулы).
Усяго ў рэгіёне выяўлена больш за 30 выпускнікоў, якія не адпрацавалі належны тэрмін і не пакрылі ў бюджэт каля Br300 тыс., затрачаных дзяржавай на іх падрыхтоўку і навучанне.
Прынятыя абласным Камітэтам дзяржкантролю і ўстановамі адукацыі меры дазволілі спагнаць у бюджэт больш за Br120 тыс. Вяртанне астатніх затрачаных дзяржавай сродкаў застаецца на кантролі.
Аналагічная работа Камітэтам дзяржкантролю сумесна з установамі адукацыі праводзіцца і ў іншых рэгіёнах краіны. Напрыклад, у бюджэт спагнана Br76 тыс., затрачаных дзяржавай на падрыхтоўку выпускнікоў дзвюх сталічных ВНУ, якія не адпрацавалі пасля размеркавання.
У адпаведнасці з Кодэксам аб адукацыі выпускнікі, якім месца работы прадастаўлена шляхам размеркавання або накіравання, абавязаны адпрацаваць: для выпускнікоў ВНУ - 2 гады, пры падрыхтоўцы па мэтавым наборы - 5 гадоў, для выпускнікоў ССНУ - 3 гады.
У выпадку неадпрацоўкі выпускнікамі ўстаноўленага заканадаўствам тэрміну яны абавязаны кампенсаваць у рэспубліканскі і (або) мясцовыя бюджэты сродкі, затрачаныя дзяржавай на іх падрыхтоўку.-0-
Так, КДК Гомельскай вобласці ўстаноўлена, што ў шэрагу ВНУ і ССНУ рэгіёна не быў забяспечаны належны кантроль за выкананнем выпускнікамі ўстаноўленага тэрміну адпрацоўкі. Больш таго, асобныя ўстановы адукацыі не забяспечылі зваротную сувязь з наймальнікамі, да якіх размяркоўваліся выпускнікі, у тым ліку пры іх звальненні з-за невыканання працоўнага заканадаўства (напрыклад, за прагулы).
Усяго ў рэгіёне выяўлена больш за 30 выпускнікоў, якія не адпрацавалі належны тэрмін і не пакрылі ў бюджэт каля Br300 тыс., затрачаных дзяржавай на іх падрыхтоўку і навучанне.
Прынятыя абласным Камітэтам дзяржкантролю і ўстановамі адукацыі меры дазволілі спагнаць у бюджэт больш за Br120 тыс. Вяртанне астатніх затрачаных дзяржавай сродкаў застаецца на кантролі.
Аналагічная работа Камітэтам дзяржкантролю сумесна з установамі адукацыі праводзіцца і ў іншых рэгіёнах краіны. Напрыклад, у бюджэт спагнана Br76 тыс., затрачаных дзяржавай на падрыхтоўку выпускнікоў дзвюх сталічных ВНУ, якія не адпрацавалі пасля размеркавання.
У адпаведнасці з Кодэксам аб адукацыі выпускнікі, якім месца работы прадастаўлена шляхам размеркавання або накіравання, абавязаны адпрацаваць: для выпускнікоў ВНУ - 2 гады, пры падрыхтоўцы па мэтавым наборы - 5 гадоў, для выпускнікоў ССНУ - 3 гады.
У выпадку неадпрацоўкі выпускнікамі ўстаноўленага заканадаўствам тэрміну яны абавязаны кампенсаваць у рэспубліканскі і (або) мясцовыя бюджэты сродкі, затрачаныя дзяржавай на іх падрыхтоўку.-0-
Падпісвайцеся на нас у
