Фота з архіва
4 снежня, Мінск /Кар. БЕЛТА/. Начальнік следчага ўпраўлення Камітэта дзяржаўнай бяспекі Канстанцін Бычак у эфіры тэлеканала "Беларусь 1" раскрыў падрабязнасці абвінавачання ў адносінах да грамадзяніна Беларусі і грамадзяніна Польшчы, якія супрацоўнічалі з ваеннай разведкай Польшчы, паведамляе БЕЛТА.
"Следчымі падраздзяленнямі Камітэта дзяржаўнай бяспекі расследаваліся крымінальныя справы па абвінавачанні ваеннаслужачага Узброеных Сіл Рэспублікі Беларусь Дзмітрыя Пазнякова ва ўчыненні злачынства, прадугледжанага артыкулам 356 Крымінальнага кодэкса - здрада дзяржаве. А таксама грамадзяніна Рэспублікі Польшча Томаша Бярозы па абвінавачанні ва ўчыненні злачынстваў, прадугледжаных артыкулам 358 і артыкулам 358 заўв. Крымінальнага кодэкса", - сказаў Канстанцін Бычак.
Як адзначыў начальнік следчага ўпраўлення КДБ, Дзмітрый Пазнякоў і Томаш Бяроза абвінавачваліся ў супрацоўніцтве са службай знешняй разведкі Міністэрства нацыянальнай абароны Польшчы. Размова ідзе аб супрацоўніцтве ў форме шпіянажу, выдачы дзяржаўных сакрэтаў, а таксама іншага аказання дапамогі ваеннай разведцы ў правядзенні дзейнасці, накіраванай на прычыненне шкоды нацыянальнай бяспецы Беларусі.
"23 лістапада 2023 года Пазнякоў і Бяроза Брэсцкім абласным судом прызнаны вінаватымі ва ўчыненні інкрымінуемых ім злачынстваў і прыгавораны да пакарання ў выглядзе пазбаўлення волі на тэрмін 19 і 14 гадоў адпаведна", - падкрэсліў Канстанцін Бычак.-0-
Скрыншоты відэа "Беларусь 1"
Падпісвайцеся на нас у
