ДЗЯРЖОРГАНЫДЗЯРЖОРГАНЫ
Флаг Серада, 19 студзеня 2022
Мінск Суцэльная воблачнасць -4°C
Усе навіны
Усе навіны
Грамадства
30 красавіка 2021, 13:09

КДБ пракаменціраваў расследаванне справы аб спробе захопу дзяржаўнай улады

Фота з архіва
Фота з архіва

30 красавіка, Мінск /Кар. БЕЛТА/. У якасці абвінавачаных па крымінальнай справе, узбуджанай КДБ па ч. 1 арт. 357 (змова або іншыя дзеянні, учыненыя з мэтай захопу дзяржаўнай улады) КК, прыцягнуты 9 чалавек. Аб гэтым БЕЛТА паведаміў афіцыйны прадстаўнік Камітэта дзяржаўнай бяспекі Андрэй Яраш.

Паводле яго слоў, гэта Аляксандр Фядута, Юрый Зянковіч, Рыгор Кастусёў, Вольга Галубовіч, Дзмітрый Шчыгельскі, Аляксандр Перапечка, Павел Кулажэнка, Віталь Макаранка і Ігар Макар. Першыя чацвёра знаходзяцца ў следчым ізалятары КДБ.

Генеральная пракуратура ў адносінах да Шчыгельскага, Перапечкі, Кулажэнкі, Макаранкі і Макара завочна прымяніла меру стрымання ў выглядзе ўзяцця пад варту.

"Следчае ўпраўленне КДБ у кампетэнтныя ўстановы юстыцыі Злучаных Штатаў Амерыкі накіравала просьбу аб аказанні прававой дапамогі, у рамках выканання якой ад запытваемага боку патрабуецца ўстанавіць месцазнаходжанне фігурантаў, правесці іх допыты, выканаць іншыя следчыя і працэсуальныя дзеянні, накіраваныя на ўсебаковае даследаванне ўсіх абставін справы. Адначасова ініцыявана пытанне аб экстрадыцыі названых асоб у Беларусь. Аналагічныя даручэнні ў адносінах да Ігара Макара і Віталя Макаранкі ў бліжэйшы час будуць накіраваны ў Літву і Украіну адпаведна, - расказаў Андрэй Яраш. - Камітэт дзяржбяспекі чакае ад амерыканскіх і іншых замежных партнёраў аператыўнай і ўсебаковай прапрацоўкі нашых запытаў, а таксама станоўчага вырашэння пытанняў аб экстрадыцыі ў Беларусь пералічаных грамадзян для іх прыцягнення да ўстаноўленай законам адказнасці".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі