Сцяг Серада, 17 красавіка 2024
Усе навіны
Усе навіны
Грамадства
04 сакавіка 2024, 09:19

Казакевіч: ініцыятывы збеглых па зрыве электаральнай кампаніі не атрымалі адабрэння ў людзей

Скрыншот відэа тэлеканала СТБ
Скрыншот відэа тэлеканала СТБ
4 сакавіка, Мінск /Кар. БЕЛТА/. Ініцыятывы збеглых з мэтай сарваць электаральную кампанію не атрымалі шырокага адабрэння, як яны разлічвалі. Аб гэтым у інтэрв'ю тэлеканалу СТБ заявіў намеснік міністра ўнутраных спраў Беларусі - начальнік крымінальнай міліцыі Генадзь Казакевіч, паведамляе БЕЛТА.

"Працэс забеспячэння грамадскага парадку і грамадскай бяспекі ў перыяд электаральнай кампаніі быў няпросты. У перыяд падрыхтоўкі мы бачылі, што нашы так званыя збеглыя, а менавіта дэструктыўныя ініцыятывы за мяжой і заходнія спецслужбы, якія іх курыруюць, ставілі сабе за мэту сарваць гэту электаральную кампанію. Прыемна, што іх ініцыятывы не атрымалі шырокага адабрэння, на што яны разлічвалі", - сказаў Генадзь Казакевіч.

Паводле яго слоў, беларусы, усведамляючы важнасць адзінага дня галасавання, прыйшлі на выбарчыя ўчасткі. "Тыя адзінкавыя выпадкі праяўлення экстрэмізму, якія мы заўважалі ў краіне, былі своечасова купіраваны і, адпаведна, ніякага ўплыву на правядзенне выбараў не аказалі. Больш таго, усведамляючы важнасць электаральнай кампаніі, якая адбудзецца ў 2025 годзе, мы пачалі ўжо да яе рыхтавацца. І пачалі з інфармацыйнага процідзеяння. Інакш кажучы, любы дэструктыў, любыя экстрэмісцкія або тэрарыстычныя праяўленні пачынаюцца ў галовах. Разумеючы гэта, актыўна працуем у гэтым напрамку", - дадаў Генадзь Казакевіч.-0-
Падпісвайцеся на нас у
Twitter
Топ-навіны
Свежыя навіны Беларусі