24 лістапада, Мінск /Кар. БЕЛТА/. Кавідныя надбаўкі за кастрычнік атрымалі больш як 71 тыс. работнікаў аховы здароўя, паведамляе БЕЛТА са спасылкай на афіцыйны Telegram-канал Міністэрства аховы здароўя.
Паведамляецца, што на платформу "COVID-садзейнічанне" паступіў шэраг пытанняў, якія датычацца аплат для тых медыцынскіх работнікаў, якія працуюць з COVID-19. У Міністэрстве аховы здароўя праінфармавалі, што за кастрычнік больш як 71 тыс. работнікаў аховы здароўя атрымалі надбаўкі. Выплата належыла не толькі ўрачам і медсёстрам, але і санітаркам, медыцынскім дэзынфектарам, вадзіцелям, ліфцёрам і іншым.
Сярэдні памер фактычна выплачанай урачам надбаўкі склаў Br1800-Br700, сярэднім медыцынскім работнікам - Br1000 - Br400, іншым работнікам Br500 - Br300.
Па стане на лістапад на выплату кавідных надбавак медработнікам выдзелена Br422,4 млн кансалідаванага бюджэту: Br405,7 млн з мясцовых бюджэтаў і Br16,7 млн - рэспубліканскага.
Кіраўнікам устаноў, дзе ўзніклі пытанні, дадзены тлумачэнні аб тым, як выплачваюцца сродкі спецыялістам, якія працуюць у прыёмных аддзяленнях, лабараторыях. Міністэрства аховы здароўя і далей прадоўжыць метадалагічную дапамогу бюджэтным арганізацыям і работнікам аховы здароўя, якія працуюць ва ўмовах COVID-19.-0-
