24 студзеня, Мінск /Кар. БЕЛТА/. Касманаўты Раскосмасу Аляксандр Скварцоў і Алег Скрыпачка з арбіты, з борта Міжнароднай касмічнай станцыі павіншавалі навуковую грамадскасць Беларусі з Днём беларускай навукі, паведамілі БЕЛТА ў прэс-службе Нацыянальнай акадэміі навук.
"Касмічная галіна Беларусі ўпэўнена развіваецца, - адзначыў Аляксандр Скварцоў. - Асвоена вытворчасць шэрага высокатэхналагічных сістэм, кампанентаў, матэрыялаў для касмічнай тэхнікі. Сумесна з расійскімі калегамі ствараецца новы расійска-беларускі апарат дыстанцыйнага зандзіравання Зямлі. Прыборы, створаныя беларускімі вучонымі, паспяхова выкарыстоўваюцца на МКС".
У сваю чаргу Алег Скрыпачка сказаў, што ўсё гэта шмат у чым дзякуючы беларускім вучоным, чые імёны залатымі літарамі ўпісаны ў сусветную навуку. "Жадаем вам заўсёды знаходзіць адказы на самыя складаныя пытанні. Няхай здароўе, шчасце і дабрабыт заўсёды будуць з вамі і вашымі сем'ямі", - сказаў ён.-0-