16 красавіка, Мінск /Кар. БЕЛТА/. УНС будзе вызначаць стратэгічныя напрамкі развіцця грамадства і дзяржавы, заявіў старшыня Цэнтральнай выбарчай камісіі Ігар Карпенка на пасяджэнні ЦВК, перадае карэспандэнт БЕЛТА.
Чарговае пасяджэнне Цэнтральнай выбарчай камісіі прысвечана пытанням фарміравання Усебеларускага народнага сходу.
"Калі зазірнуць у гісторыю, то першы Усебеларускі народны сход прайшоў у Беларусі ў 1996 годзе. Тады Прэзідэнт ініцыяваў абмеркаванне актуальных праблем развіцця краіны ў фармаце народнага сходу. Амаль 5 тыс. чалавек было вылучана для ўдзелу ў яго рабоце працоўнымі калектывамі і грамадзянамі па месцы жыхарства і службы. Была разгледжана і прынята Праграма сацыяльна-эканамічнага развіцця на 1996-2000 гады і адобрана ініцыятыва правядзення рэспубліканскага рэферэндуму. Кожныя наступныя пяць гадоў народнае веча давала ацэнку дзеянням улады за мінулую пяцігодку і вызначала асноўныя напрамкі і параметры развіцця дзяржавы, выпрацоўвала план эканамічнага і сацыяльнага развіцця краіны на наступны пяцігадовы тэрмін. Усяго ў гісторыі суверэннай Беларусі прайшло 6 Усебеларускіх народных сходаў", - расказаў Ігар Карпенка.
Кіраўнік ЦВК нагадаў, што рашэннем рэспубліканскага рэферэндуму 27 лютага 2022 года Усебеларускаму народнаму сходу нададзены канстытуцыйны статус. "Канстытуцыя Рэспублікі Беларусь дапоўнена главой, дзе дадзена азначэнне Усебеларускаму народнаму сходу як вышэйшаму прадстаўнічаму органу народаўладдзя, які будзе вызначаць стратэгічныя напрамкі развіцця грамадства і дзяржавы, забяспечваць непахіснасць канстытуцыйнага ладу, пераемнасць пакаленняў і грамадзянскую згоду. Канстытуцыяй вызначана, хто з'яўляецца дэлегатам УНС, устаноўлена яго гранічная колькасць і тэрмін паўнамоцтваў", - адзначыў ён.
Чарговае пасяджэнне Цэнтральнай выбарчай камісіі прысвечана пытанням фарміравання Усебеларускага народнага сходу.
"Калі зазірнуць у гісторыю, то першы Усебеларускі народны сход прайшоў у Беларусі ў 1996 годзе. Тады Прэзідэнт ініцыяваў абмеркаванне актуальных праблем развіцця краіны ў фармаце народнага сходу. Амаль 5 тыс. чалавек было вылучана для ўдзелу ў яго рабоце працоўнымі калектывамі і грамадзянамі па месцы жыхарства і службы. Была разгледжана і прынята Праграма сацыяльна-эканамічнага развіцця на 1996-2000 гады і адобрана ініцыятыва правядзення рэспубліканскага рэферэндуму. Кожныя наступныя пяць гадоў народнае веча давала ацэнку дзеянням улады за мінулую пяцігодку і вызначала асноўныя напрамкі і параметры развіцця дзяржавы, выпрацоўвала план эканамічнага і сацыяльнага развіцця краіны на наступны пяцігадовы тэрмін. Усяго ў гісторыі суверэннай Беларусі прайшло 6 Усебеларускіх народных сходаў", - расказаў Ігар Карпенка.
Кіраўнік ЦВК нагадаў, што рашэннем рэспубліканскага рэферэндуму 27 лютага 2022 года Усебеларускаму народнаму сходу нададзены канстытуцыйны статус. "Канстытуцыя Рэспублікі Беларусь дапоўнена главой, дзе дадзена азначэнне Усебеларускаму народнаму сходу як вышэйшаму прадстаўнічаму органу народаўладдзя, які будзе вызначаць стратэгічныя напрамкі развіцця грамадства і дзяржавы, забяспечваць непахіснасць канстытуцыйнага ладу, пераемнасць пакаленняў і грамадзянскую згоду. Канстытуцыяй вызначана, хто з'яўляецца дэлегатам УНС, устаноўлена яго гранічная колькасць і тэрмін паўнамоцтваў", - адзначыў ён.
"Такім чынам, упершыню ў нашай краіне Усебеларускі народны сход фарміруецца як канстытуцыйны орган, - падкрэсліў Ігар Карпенка. - Заканадаўчай асновай утварэння УНС акрамя Канстытуцыі з'яўляюцца таксама закон "Аб Усебеларускім народным сходзе" і Выбарчы кодэкс Рэспублікі Беларусь, якім рэгулююцца пытанні выбрання дэлегатаў УНС ад мясцовых Саветаў дэпутатаў і грамадзянскай супольнасці. У сувязі з гэтым Цэнтральная камісія надзелена шэрагам новых паўнамоцтваў. ЦВК назначае выбары дэлегатаў УНС, вызначае нормы прадстаўніцтва дэлегатаў ад мясцовых Саветаў дэпутатаў кожнай вобласці, роўную колькасць дэлегатаў ад кожнага суб'екта грамадзянскай супольнасці, устанаўлівае вынікі выбараў, склікае і вядзе першае пасяджэнне УНС да выбрання яго старшыні. Па сутнасці, цяперашні склад ЦВК рэалізуе на практыцы заканадаўчыя нормы і выбудоўвае сістэму ўзаемадзеяння з дзяржаўнымі органамі і структурамі грамадзянскай супольнасці ў пытаннях фарміравання Усебеларускага народнага сходу".-0-
Фота Віталя Піваварчыка
