Ігар Карпенка
5 лістапада, Мінск /Кар. БЕЛТА/. Самая шматлікая з зарэгістраваных ініцыятыўных груп - за вылучэнне кандыдатам у Прэзідэнты Аляксандра Лукашэнкі. Аб гэтым, адказваючы на пытанне БЕЛТА, расказаў журналістам старшыня ЦВК Ігар Карпенка.
"Кожны па-свойму выпрацоўвае тактыку збору подпісаў, прадумваў, як ён збіраецца гэта рабіць і які склад групы ён сфарміраваў. Магу сказаць, што самая шматлікая сёння група - за вылучэнне кандыдатам у Прэзідэнты Аляксандра Лукашэнкі. Ёсць некалькі груп, якія можна паставіць у прыклад , - там амаль 3,5 тыс. грамадзян, якія будуць аказваць садзейнічанне ў зборы подпісаў. Але ёсць і нешматлікія групы. Гэта прыкладна 100-150 чалавек", - канстатаваў Ігар Карпенка.
Паводле яго слоў, у бліжэйшы час на сайце ЦВК будзе апублікавана інфармацыя аб гэтых ініцыятыўных групах з фатаграфіямі прэтэндэнтаў, данымі аб колькасці грамадзян, уключаных у склад гэтых груп.
Цяпер у ЦВК ідзе вялікая тэхнічная работа па вырабе пасведчанняў для членаў ініцыятыўных груп, выдачы падпісных лістоў.
Ігар Карпенка адзначыў, што для таго, каб у выніку апынуцца ў фінальным бюлетэні на выбарах, прэтэндэнтам трэба выканаць шэраг умоў, прадугледжаных заканадаўствам. У тым ліку павінна быць сабрана не менш як 100 тыс. подпісаў грамадзян. Неабходна таксама падаць дэкларацыю аб даходах і маёмасці.
"ЦВК павінен паглядзець увесь гэты пакет дакументаў. Потым прыме рашэнне аб рэгістрацыі кандыдатаў і аб уключэнні іх у бюлетэнь для тайнага галасавання. Цяпер 7 прэтэндэнтаў. Можа, гэта будзе 5. Можа, тры-чатыры. Час пакажа", - сказаў Ігар Карпенка, адказваючы на пытанне, колькі чалавек, паводле яго прагнозаў, змогуць апынуцца ў бюлетэні.-0-
Падпісвайцеся на нас у
