Сцяг Субота, 13 ліпеня 2024
Усе навіны
Усе навіны
Грамадства
05 чэрвеня 2024, 14:02

Карпенка: адзіны дзень галасавання - якасна новы этап у развіцці выбарчай сістэмы 

Ігар Карпенка. Фота з архіва
Ігар Карпенка. Фота з архіва

5 чэрвеня, Мінск /Кар. БЕЛТА/. Адзіны дзень галасавання - якасна новы этап у развіцці выбарчай сістэмы, які сябе апраўдаў. Аб гэтым заявіў журналістам старшыня ЦВК Ігар Карпенка, перадае карэспандэнт БЕЛТА.

ЦВК Беларусі 5 чэрвеня праводзіць рэспубліканскі семінар-нараду па актуальных пытаннях арганізацыі правядзення выбараў. У адпаведнасці са сваімі паўнамоцтвамі ЦВК вывучае практыку прымянення выбарчага заканадаўства, уносіць прапановы па яго ўдасканаленні, ва ўзаемадзеянні з іншымі дзяржаўнымі органамі і арганізацыямі ажыццяўляе метадычнае кіраўніцтва па навучанні і павышэнні кваліфікацыі членаў камісій і іншых асоб, якія ўдзельнічаюць у падрыхтоўцы і правядзенні выбараў, арганізуе інфармацыйна-асветную дзейнасць па пытаннях рэалізацыі выбарчых правоў грамадзян.

"Адзіны дзень галасавання - гэта якасна новы этап у развіцці выбарчай сістэмы. Ён сябе апраўдаў", - сказаў Ігар Карпенка.

"У цэлым выбары прайшлі ў адпаведнасці з дзеючым заканадаўствам, мы гэта гаварылі, калі падводзілі канчатковыя вынікі выбараў у адзіны дзень галасавання. Сёння стаіць пытанне выключна па карэкціроўцы асобных выбарчых працэдур. Адна з галоўных задач ЦВК - аднастайнае прымяненне выбарчага заканадаўства ўсімі суб'ектамі выбарчага працэсу, а іх у нас дастаткова шмат. У цэлым можна даць ацэнку, што мы спрацавалі здавальняюча. І гаворым аб сваёй гатоўнасці працаваць далей, ісці ў чарговую выбарчую кампанію", - адзначыў кіраўнік ЦВК.-0- 

Падпісвайцеся на нас у
Twitter
Топ-навіны
Свежыя навіны Беларусі