4 лістапада, Мінск /Кар. БЕЛТА/. Кароткачасовыя дажджы, парывісты вецер і да 16 градусаў цяпла чакаецца ў Беларусі 5 лістапада, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак будзе воблачна з праясненнямі. Уначы і раніцай на большай частцы тэрыторыі, удзень месцамі пройдуць кароткачасовыя дажджы. Вецер прагназуецца паўднёвы, паўднёва-заходні 5-10 м/с, з парывамі да 14 м/с, удзень у асобных раёнах - да 15-18 м/с.
Тэмпература паветра ўначы складзе 7-13 градусаў вышэй за нуль, удзень - 10-16 градусаў цяпла.-0-
