7 чэрвеня, Мінск /Кар. БЕЛТА/. Палякі і брытанцы разглядаюць сцэнарыі дыверсійных атак на тэрыторыі Беларусі, аналагічныя атакам на Белгародскую вобласць. Аб гэтым у праекце "У тэме" на YouTube-канале БЕЛТА заявіў кандыдат юрыдычных навук, эксперт у рабоце спецслужбаў Сяргей Карнавухаў.
"Калі задаюць пытанне, ці варта Беларусі чакаць атак, якім падвяргаецца Белгародская вобласць, многія эксперты гавораць, што наўрад ці. А я кажу, што яшчэ некалькі месяцаў таму немагчыма было ўявіць атакі на Шабекіна (горад у Белгародскай вобласці. - Заўвага БЕЛТА). Гэта ж вялізная, моцная, ядзерная Расія. Але сёння атакі на Белгародскую вобласць - гэта рэальнасць. І за гэтымі атакамі стаяць у першую чаргу палякі і брытанцы", - сказаў Сяргей Карнавухаў.
Паводле слоў эксперта, такія сцэнарыі імі разглядаюцца і ў адносінах да Беларусі. "Мы павінны гэта разумець. І дыверсійныя атакі, аналагічныя нападзенню на Шабекіна, будуць. І яны будуць учыняць гэта пад прыкрыццём тых самых партызанскіх атрадаў, якія ідуць пад бел-чырвона-белымі сцягамі", - лічыць эксперт. У сваю чаргу, падкрэсліў Сяргей Карнавухаў, на Захадзе будзе трансліравацца меркаванне, што Украіна не мае да гэтага дачынення.-0-
