Клаўдзіа Гуджэроці
27 кастрычніка, Мінск /Кар. БЕЛТА/. Прэфект Дыкастэрыі па справах Усходніх цэркваў у Ватыкане кардынал Клаўдзіа Гуджэроці расказаў, што моліцца ў тым ліку і на беларускай мове. Аб гэтым ён заявіў журналістам пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.
"Па-беларуску я маліўся ўчора. Імша была на беларускай мове. Калі я сустракаюся з беларусамі, я заўсёды малюся на беларускай мове. Гэта дапамагае. На жаль, мае сустрэчы з беларусамі не так часта бываюць. Але не забываю. Бо мой вопыт тут быў вельмі-вельмі добрым. І ў мяне ёсць вельмі шмат сяброў-беларусаў. Спадзяюся, што будзе яшчэ больш", - сказаў Клаўдзіа Гуджэроці.
"Ніхто не думае, што мы тут робім нешта, каб атрымаць нейкія прывілеі. Гэта не наша работа", - дадаў прадстаўнік Ватыкана.
Кардынал Клаўдзіа Гуджэроці наведвае Беларусь у якасці спецыяльнага пасланніка Папы Рымскага Льва XIV для ўдзелу ва ўрачыстасцях з нагоды святкавання 100-годдзя Пінскай епархіі. Яна была заснавана 25 кастрычніка 1925 года і цяпер з'яўляецца адной з чатырох каталіцкіх епархій у Беларусі, ахопліваючы тэрыторыю Брэсцкай і Гомельскай абласцей. Прадстаўнік Ватыкана ў 2011-2015 гадах займаў пасаду Апостальскага нунцыя ў Беларусі.-0-
Падпісвайцеся на нас у
