Інеса Караткевіч
26 жніўня, Мінск /Кар. БЕЛТА/. Белкаапсаюз шукае новы фармат гандлёвых аб'ектаў і нішы, якія можна заняць. Аб гэтым журналістам пасля нарады ў кіраўніка дзяржавы аб эфектыўнасці сістэмы гандлёвага абслугоўвання насельніцтва ў маштабах Беларусі расказала старшыня праўлення Беларускага рэспубліканскага саюза спажывецкіх таварыстваў Інеса Караткевіч, перадае карэспандэнт БЕЛТА.
У кіраўніка Белкаапсаюза пацікавіліся, ці не разглядае арганізацыя адкрыццё вялікіх гандлёвых аб'ектаў у гарадах па прыкладу іншых гандлёвых сетак. Паводле слоў Інесы Караткевіч, сітуацыя, калі Белкаапсаюз можа зайсці ў вялікія гарады, упушчана. Разам з тым арганізацыя шукае новы фармат гандлёвых аб'ектаў і нішы, якія яшчэ можна заняць.
"Прывяду прыклад: у нашай сістэме ёсць унітарнае прадпрыемства - "Магілёўскі аблкаапкнігагандаль". На сённяшні дзень паэтапна, з улікам фінансавых магчымасцей, адкрывае так званыя дыскаўнтары па краіне. Ужо два магазіны працуюць у Мінску", - сказала Інеса Караткевіч.
У цэлым, адзначыла яна, Белкаапсаюз - шматгаліновая структура, якая займаецца не толькі гандлем, але і прамысловасцю, нарыхтоўчай дзейнасцю, грамадскім харчаваннем.
"Ёсць вельмі шмат праблем. Гэта і неліквіднасць дзеючых актываў, знос матэрыяльна-тэхнічнай базы, недахоп прафесійнага кадравага персаналу. Мы над усім гэтым працуем", - падкрэсліла Інеса Караткевіч.
Старшыня праўлення лічыць, што Белкаапсаюзу трэба актыўней працаваць з мясцовымі органамі ўлады для размеркавання нагрузкі, у тым ліку па абслугоўванні нешматлікіх населеных пунктаў. У сістэме Белкаапсаюза працуе больш за 4 тыс. стацыянарных аб'ектаў, а таксама больш за 480 аўтакрам, якія абслугоўваюць амаль 13 тыс. населеных пунктаў.
"Белкаапсаюз - гэта і тавараправодная сетка беларускіх вытворцаў, таму што доля тавараў айчыннай вытворчасці ў абароце перасягае 90 працэнтаў. Незалежна ад нашай плацежаздольнасці мы заўсёды былі і будзем нацэлены на рэалізацыю тавараў айчыннай вытворчасці", - запэўніла яна. Акрамя таго, Белкаапсаюз рэалізуе і прадукцыю ўласнай вытворчасці.
"Усе падыходы ўдасканальваюцца. Наша галоўная мэта - заслужыць станоўчую ацэнку дзейнасці ад нашага насельніцтва. Другая мэта - павысіць эфектыўнасць усіх галін", - падкрэсліла Інеса Караткевіч.-0-
У кіраўніка Белкаапсаюза пацікавіліся, ці не разглядае арганізацыя адкрыццё вялікіх гандлёвых аб'ектаў у гарадах па прыкладу іншых гандлёвых сетак. Паводле слоў Інесы Караткевіч, сітуацыя, калі Белкаапсаюз можа зайсці ў вялікія гарады, упушчана. Разам з тым арганізацыя шукае новы фармат гандлёвых аб'ектаў і нішы, якія яшчэ можна заняць.
"Прывяду прыклад: у нашай сістэме ёсць унітарнае прадпрыемства - "Магілёўскі аблкаапкнігагандаль". На сённяшні дзень паэтапна, з улікам фінансавых магчымасцей, адкрывае так званыя дыскаўнтары па краіне. Ужо два магазіны працуюць у Мінску", - сказала Інеса Караткевіч.
У цэлым, адзначыла яна, Белкаапсаюз - шматгаліновая структура, якая займаецца не толькі гандлем, але і прамысловасцю, нарыхтоўчай дзейнасцю, грамадскім харчаваннем.
"Ёсць вельмі шмат праблем. Гэта і неліквіднасць дзеючых актываў, знос матэрыяльна-тэхнічнай базы, недахоп прафесійнага кадравага персаналу. Мы над усім гэтым працуем", - падкрэсліла Інеса Караткевіч.
Старшыня праўлення лічыць, што Белкаапсаюзу трэба актыўней працаваць з мясцовымі органамі ўлады для размеркавання нагрузкі, у тым ліку па абслугоўванні нешматлікіх населеных пунктаў. У сістэме Белкаапсаюза працуе больш за 4 тыс. стацыянарных аб'ектаў, а таксама больш за 480 аўтакрам, якія абслугоўваюць амаль 13 тыс. населеных пунктаў.
"Белкаапсаюз - гэта і тавараправодная сетка беларускіх вытворцаў, таму што доля тавараў айчыннай вытворчасці ў абароце перасягае 90 працэнтаў. Незалежна ад нашай плацежаздольнасці мы заўсёды былі і будзем нацэлены на рэалізацыю тавараў айчыннай вытворчасці", - запэўніла яна. Акрамя таго, Белкаапсаюз рэалізуе і прадукцыю ўласнай вытворчасці.
"Усе падыходы ўдасканальваюцца. Наша галоўная мэта - заслужыць станоўчую ацэнку дзейнасці ад нашага насельніцтва. Другая мэта - павысіць эфектыўнасць усіх галін", - падкрэсліла Інеса Караткевіч.-0-
Падпісвайцеся на нас у
