Фота Мінэнерга
21 чэрвеня, Мінск /Кар. БЕЛТА/. Мірны атам гарантуе энергетычную самастойнасць і сур'ёзныя канкурэнтныя перавагі для тэхналагічнага развіцця Беларусі. На гэта звярнуў увагу міністр энергетыкі Віктар Каранкевіч у сваім выступленні на нарадзе міністраў энергетыкі краін ШАС, якая праходзіць у Астане, паведамілі БЕЛТА ў прэс-службе Мінэнерга Беларусі.
Віктар Каранкевіч адзначыў, што стратэгічнымі мэтамі для энергетычнай галіны Беларусі з'яўляюцца энергетычны суверэнітэт, устойлівае і эфектыўнае развіццё энергакомплексу на аснове прагрэсіўных інавацыйных тэхналогій. Дасягненню гэтых важнейшых задач садзейнічае збудаванне ў Беларусі ўласнай атамнай электрастанцыі з двума энергаблокамі пакалення "тры плюс" сумарнай магутнасцю 2400 МВт па расійскім праекце "АЭС-2006". Другі блок станцыі ўведзены ў прамысловую эксплуатацыю ў лістападзе 2023 года.
Праект стаў самым маштабным і высокатэхналагічным у гісторыі беларуска-расійскіх адносін. Ён рэалізаваны сумесна са стратэгічным партнёрам - дзяржкарпарацыяй "Расатам" і адпавядае самым высокім патрабаванням бяспекі. Штогод БелАЭС будзе генерыраваць каля 18 млрд кВт/гадз і забяспечыць каля 40 працэнтаў унутраных патрэбнасцей краіны ў электраэнергіі. Работа станцыі дае магчымасць штогод прадухіляць выкіды ў атмасферу больш як 7 млн т парніковых газаў. Гэта важкі ўклад у агульную справу па змякчэнні наступстваў змянення клімату.
БелАЭС стала сур'ёзным стымулам для развіцця ў краіне электрасеткавай інфраструктуры. Для задавальнення ўсё большага попыту рэальнага сектара эканомікі і насельніцтва ў электраэнергіі ў краіне штогод нарошчваюцца аб'ёмы будаўніцтва і рэканструкцыі электрасетак, падстанцый розных класаў напружання. "Асаблівая ўвага ўдзяляецца лічбавізацыі аб'ектаў энергасістэмы, укараненню разумных электрасетак, стварэнню сістэм накаплення электраэнергіі, павышэнню якасці кіравання электрасеткавым комплексам", - расказаў Віктар Каранкевіч.
Дынамічна развіваецца электратранспарт. У Беларусі створана разгорнутая сетка зарадных станцый для электратранспарту - па іх колькасці краіна займае лідзіруючыя пазіцыі на постсавецкай прасторы. За кошт прыняцця на ўзроўні кіраўніка дзяржавы і ўрада стымулюючых мер у краіне значна вырасла колькасць электрамабіляў. На гарадскіх маршрутах курсіруюць сучасныя электробусы. У Жодзіне і Шклове рэалізаваны пілотныя праекты па пераводзе гарадскога грамадскага транспарту на электрычны.-0-
Віктар Каранкевіч адзначыў, што стратэгічнымі мэтамі для энергетычнай галіны Беларусі з'яўляюцца энергетычны суверэнітэт, устойлівае і эфектыўнае развіццё энергакомплексу на аснове прагрэсіўных інавацыйных тэхналогій. Дасягненню гэтых важнейшых задач садзейнічае збудаванне ў Беларусі ўласнай атамнай электрастанцыі з двума энергаблокамі пакалення "тры плюс" сумарнай магутнасцю 2400 МВт па расійскім праекце "АЭС-2006". Другі блок станцыі ўведзены ў прамысловую эксплуатацыю ў лістападзе 2023 года.
Праект стаў самым маштабным і высокатэхналагічным у гісторыі беларуска-расійскіх адносін. Ён рэалізаваны сумесна са стратэгічным партнёрам - дзяржкарпарацыяй "Расатам" і адпавядае самым высокім патрабаванням бяспекі. Штогод БелАЭС будзе генерыраваць каля 18 млрд кВт/гадз і забяспечыць каля 40 працэнтаў унутраных патрэбнасцей краіны ў электраэнергіі. Работа станцыі дае магчымасць штогод прадухіляць выкіды ў атмасферу больш як 7 млн т парніковых газаў. Гэта важкі ўклад у агульную справу па змякчэнні наступстваў змянення клімату.
БелАЭС стала сур'ёзным стымулам для развіцця ў краіне электрасеткавай інфраструктуры. Для задавальнення ўсё большага попыту рэальнага сектара эканомікі і насельніцтва ў электраэнергіі ў краіне штогод нарошчваюцца аб'ёмы будаўніцтва і рэканструкцыі электрасетак, падстанцый розных класаў напружання. "Асаблівая ўвага ўдзяляецца лічбавізацыі аб'ектаў энергасістэмы, укараненню разумных электрасетак, стварэнню сістэм накаплення электраэнергіі, павышэнню якасці кіравання электрасеткавым комплексам", - расказаў Віктар Каранкевіч.
Дынамічна развіваецца электратранспарт. У Беларусі створана разгорнутая сетка зарадных станцый для электратранспарту - па іх колькасці краіна займае лідзіруючыя пазіцыі на постсавецкай прасторы. За кошт прыняцця на ўзроўні кіраўніка дзяржавы і ўрада стымулюючых мер у краіне значна вырасла колькасць электрамабіляў. На гарадскіх маршрутах курсіруюць сучасныя электробусы. У Жодзіне і Шклове рэалізаваны пілотныя праекты па пераводзе гарадскога грамадскага транспарту на электрычны.-0-
Падпісвайцеся на нас у
