12 жніўня, Мінск /Кар. БЕЛТА/. Прынцыповая пазіцыя - журналістаў не чапаць. Аб гэтым заявіў міністр унутраных спраў Юрый Караеў сёння на рабочай нарадзе, паведамляе МУС.
"Мая прынцыповая пазіцыя - журналістаў не чапаць. Акрамя выпадкаў, дзе яны становяцца паміж парушальнікамі і сіламі правапарадку", - такую ўстаноўку сваім падначаленым даў Юрый Караеў.
Кіраўнік МУС яшчэ раз звяртаецца да журналістаў з просьбай не рызыкаваць сабой на незаконных вулічных акцыях, дзе ідуць жорсткія сутыкненні.
Таксама ў МУС адзначылі, што ў пераважнай большасці выпадкаў затрыманых журналістаў адпускаюць без складання адміністрацыйнага пратакола. "Мы разумеем, што гэтыя людзі таксама займаюцца сваёй прафесійнай дзейнасцю", - падкрэслілі ў ведамстве.
У цэлым пытанні работы на несанкцыянаваных масавых мерапрыемствах прадстаўнікоў беларускіх СМІ, а таксама журналістаў замежных медыя, акрэдытаваных пры Міністэрстве замежных спраў, узяты пад асабісты кантроль міністра ўнутраных спраў.-0-
