Фота з архіва
28 жніўня, Мінск /Кар. БЕЛТА/. Як рыхтаваліся да новага навучальнага года ўстановы агульнай сярэдняй адукацыі, расказаў журналістам намеснік начальніка ўпраўлення развіцця матэрыяльна-тэхнічнай базы сістэмы адукацыі Міністэрства адукацыі Ігар Міцкевіч, перадае карэспандэнт БЕЛТА.
Ігар Міцкевіч падзяліўся, што ў ходзе падрыхтоўкі да новага навучальнага года выкананы капітальныя рамонты некаторых устаноў агульнай сярэдняй адукацыі. "Прадаўжаецца выкананне капітальных рамонтаў на 32 аб'ектах. У 6 школах будзе праведзена размеркаванне навучэнцаў у іншыя ўстановы адукацыі", - сказаў Ігар Міцкевіч.
Расказаў ён і пра аднаўленне школ, пацярпелых у час ліпеньскага ўрагану. Усяго ўраган пашкодзіў 415 устаноў адукацыі па ўсёй краіне, больш за палову - у Гомельскай вобласці. "На наступны дзень былі арганізаваны аператыўныя мерапрыемствы па ліквідацыі наступстваў мінулых ураганаў. У Міністэрстве адукацыі быў арганізаваны штаб па зборы і апрацоўцы інфармацыі. Літаральна ўчора мне далажылі пра дзве апошнія ўстановы адукацыі, у якіх былі ліквідаваны недахопы. З таго перыяду да ўчарашняга дня мы штодзённа ажыццяўлялі кантроль, штодзённа прадстаўлялася аператыўная інфармацыя з абласцей", - адзначыў намеснік начальніка.
Так, да 20 жніўня павінны былі быць падпісаны пашпарты гатоўнасці школ. "Па дакладах з абласцей, пашпарты падпісаны. У асобных установах адукацыі яны падпісаны з нязначнымі заўвагамі, якія ўстараняюцца. Такім чынам, можна смела сказаць, што нашы ўстановы агульнай сярэдняй адукацыі да пачатку новага навучальнага года гатовы", - падагульніў Ігар Міцкевіч.-0-
Ігар Міцкевіч падзяліўся, што ў ходзе падрыхтоўкі да новага навучальнага года выкананы капітальныя рамонты некаторых устаноў агульнай сярэдняй адукацыі. "Прадаўжаецца выкананне капітальных рамонтаў на 32 аб'ектах. У 6 школах будзе праведзена размеркаванне навучэнцаў у іншыя ўстановы адукацыі", - сказаў Ігар Міцкевіч.
Расказаў ён і пра аднаўленне школ, пацярпелых у час ліпеньскага ўрагану. Усяго ўраган пашкодзіў 415 устаноў адукацыі па ўсёй краіне, больш за палову - у Гомельскай вобласці. "На наступны дзень былі арганізаваны аператыўныя мерапрыемствы па ліквідацыі наступстваў мінулых ураганаў. У Міністэрстве адукацыі быў арганізаваны штаб па зборы і апрацоўцы інфармацыі. Літаральна ўчора мне далажылі пра дзве апошнія ўстановы адукацыі, у якіх былі ліквідаваны недахопы. З таго перыяду да ўчарашняга дня мы штодзённа ажыццяўлялі кантроль, штодзённа прадстаўлялася аператыўная інфармацыя з абласцей", - адзначыў намеснік начальніка.
Так, да 20 жніўня павінны былі быць падпісаны пашпарты гатоўнасці школ. "Па дакладах з абласцей, пашпарты падпісаны. У асобных установах адукацыі яны падпісаны з нязначнымі заўвагамі, якія ўстараняюцца. Такім чынам, можна смела сказаць, што нашы ўстановы агульнай сярэдняй адукацыі да пачатку новага навучальнага года гатовы", - падагульніў Ігар Міцкевіч.-0-
Падпісвайцеся на нас у
