14 лютага, Мінск /Кар. БЕЛТА/. Супрацоўніцтва ДТСААФ Беларусі і Расіі ўмацоўваецца па ўсіх напрамках дзейнасці таварыстваў, заявіў сёння журналістам старшыня ДТСААФ Расіі Аляксандр Калмакоў перад пленумам цэнтральнага савета РДГА "Добраахвотнае таварыства садзейнічання арміі, авіяцыі і флоту Беларусі" ў Мінску, перадае карэспандэнт БЕЛТА.
"З усіх дзяржаў СНД у нас найбольш цесныя кантакты з Беларуссю. Узаемадзеянне таварыстваў дзвюх краін умацоўваецца па ўсіх напрамках. Размова ідзе аб патрыятычным выхаванні моладзі, падрыхтоўцы яе да службы ў радах Узброеных Сіл і працоўнай дзейнасці, правядзенні спартыўных спаборніцтваў, культурна-забаўляльных мерапрыемстваў, інфармацыйнай падтрымцы сумесных праектаў", - расказаў Аляксандр Калмакоў.
Паводле яго слоў, заўтра ў Магілёве адбудзецца 7-е пасяджэнне сумеснага прэзідыума цэнтральных саветаў ДТСААФ Беларусі і Расіі. "Мы разгледзім асаблівасці кіравання абароннымі таварыствамі ў сучасных умовах. Акрамя таго, уніфікуем падыходы па патрыятычным выхаванні моладзі і распрацуем праграму спартыўных мерапрыемстваў на бягучы год. Асаблівую ўвагу мы ўдзелім дэталям правядзення сумеснага аўтапрабегу па гарадах воінскай славы і гарадах-героях Беларусі і Расіі", - адзначыў старшыня ДТСААФ Расіі. Ён дадаў, што пасля завяршэння сумеснага прэзідыума адбудзецца цырымонія ўскладання кветак да помніка воінам-інтэрнацыяналістам.-0-
