Фота з архіва
11 снежня, Мінск /Кар. БЕЛТА/. Каля 61 тыс. 11-класнікаў стануць удзельнікамі рэпетыцыі цэнтралізаванага экзамену 31 студзеня. Аб гэтым карэспандэнту БЕЛТА паведамілі ў прэс-службе Міністэрства адукацыі.
Беларускія школы пачалі рэгістрацыю на рэпетыцыйны цэнтралізаваны экзамен, прадоўжыцца яна па 17 снежня. Выпускнікам трэба напісаць заяву на імя кіраўніка ўстановы адукацыі і выбраць любы прадмет.
"Нам важна забяспечыць псіхалагічны камфорт абітурыентаў перад сур'ёзнымі экзаменамі, таму падрабязна тлумачым усе нюансы ЦЭ, - адзначыў дырэктар Рэспубліканскага інстытута кантролю ведаў Дзмітрый Міронаў. - Акрамя традыцыйных форм інфармавання, актыўна ўкараняем сучасныя спосабы камунікацыі з моладдзю. Напрыклад, восенню запушчаны чат-бот РІКВ (@INFO_RIKC_bot) на аснове штучнага інтэлекту. Ім ужо скарысталіся больш за 30 тыс. чалавек для кансультацый па пытаннях рэпетыцыйнага тэсціравання, а таксама ЦЭ і ЦТ".
Сама рэпетыцыя цэнтралізаванага тэсціравання пройдзе ў Беларусі 31 студзеня 2026 года. Для гэтага будуць задзейнічаны 144 пункты па ўсёй краіне. Выпускнікі змогуць праверыць веды па рускай або беларускай мове альбо па адным з профільных прадметаў на выбар (фізіка, матэматыка, хімія, біялогія, замежныя мовы, гісторыя Беларусі ў кантэксце сусветнай гісторыі, грамадазнаўства, геаграфія).
Арганізатары падкрэсліваюць, што заданні будуць аналагічнымі ЦЭ, але не будуць іх дубліраваць. Пасля праходжання РЦЭ ўдзельнікі ў асабістым кабінеце на сайце РІКВ змогуць убачыць не толькі свае балы, але і скан бланка, а таксама правільныя адказы, што дасць магчымасць выканаць работу над памылкамі. Сістэма ацэньвання застанецца ранейшай.-0-
Беларускія школы пачалі рэгістрацыю на рэпетыцыйны цэнтралізаваны экзамен, прадоўжыцца яна па 17 снежня. Выпускнікам трэба напісаць заяву на імя кіраўніка ўстановы адукацыі і выбраць любы прадмет.
"Нам важна забяспечыць псіхалагічны камфорт абітурыентаў перад сур'ёзнымі экзаменамі, таму падрабязна тлумачым усе нюансы ЦЭ, - адзначыў дырэктар Рэспубліканскага інстытута кантролю ведаў Дзмітрый Міронаў. - Акрамя традыцыйных форм інфармавання, актыўна ўкараняем сучасныя спосабы камунікацыі з моладдзю. Напрыклад, восенню запушчаны чат-бот РІКВ (@INFO_RIKC_bot) на аснове штучнага інтэлекту. Ім ужо скарысталіся больш за 30 тыс. чалавек для кансультацый па пытаннях рэпетыцыйнага тэсціравання, а таксама ЦЭ і ЦТ".
Сама рэпетыцыя цэнтралізаванага тэсціравання пройдзе ў Беларусі 31 студзеня 2026 года. Для гэтага будуць задзейнічаны 144 пункты па ўсёй краіне. Выпускнікі змогуць праверыць веды па рускай або беларускай мове альбо па адным з профільных прадметаў на выбар (фізіка, матэматыка, хімія, біялогія, замежныя мовы, гісторыя Беларусі ў кантэксце сусветнай гісторыі, грамадазнаўства, геаграфія).
Арганізатары падкрэсліваюць, што заданні будуць аналагічнымі ЦЭ, але не будуць іх дубліраваць. Пасля праходжання РЦЭ ўдзельнікі ў асабістым кабінеце на сайце РІКВ змогуць убачыць не толькі свае балы, але і скан бланка, а таксама правільныя адказы, што дасць магчымасць выканаць работу над памылкамі. Сістэма ацэньвання застанецца ранейшай.-0-
Падпісвайцеся на нас у
