Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

Каля 1 тыс. беларускіх і расійскіх дэсантнікаў удзельнічаюць у сумесным вучэнні пад Брэстам

Грамадства 15.04.2019 | 19:09

15 красавіка, Брэст /Кар. БЕЛТА/. На палігоне Брэсцкі сёння адбылася ўрачыстая цырымонія адкрыцця планавага двухбаковага беларуска-расійскага батальённага тактычнага вучэння з баявой стральбой, паведамляе карэспандэнт БЕЛТА.

У вучэнні ўдзельнічаюць парашутна-дэсантны батальён 103-й асобнай гвардзейскай паветрана-дэсантнай брыгады, узмоцнены парашутна-дэсантнай ротай 106-й гвардзейскай Тульскай паветрана-дэсантнай дывізіі, і дэсантна-штурмавы батальён 38-й асобнай гвардзейскай дэсантна-штурмавой брыгады - усяго амаль 1 тыс. ваеннаслужачых. Задзейнічана больш за 100 адзінак тэхнікі: гэта розныя сучасныя браніраваныя транспартныя сродкі, аўтамабілі, малакаліберныя зенітныя артылерыйскія комплексы (МЗАК), гаўбіцы. Усю тэхніку і ўзбраенне для вучэнняў прадаставіў беларускі бок.

Вітаючы ўдзельнікаў мерапрыемства, намеснік камандуючага сіламі спецыяльных аперацый Узброеных Сіл Беларусі палкоўнік Уладзімір Белы адзначыў высокі ўзровень палявой вывучкі войскаў і гатоўнасць штабоў кіраваць імі. "Галоўная задача - падтрымліваць дасягнутае ўзаемадзеянне паміж нашымі фарміраваннямі", - сказаў ён, пажадаўшы прадстаўнікам крылатай гвардыі паказаць лепшае, на што яны здольныя.

Актыўная фаза вучэнняў пройдзе з 16 па 18 красавіка. "У аснову вучэння пакладзены актуальныя пытанні баявой і тактычнай падрыхтоўкі ваеннаслужачых пры лакальных канфліктах. Нашы падраздзяленні будуць сумесна выконваць задачы па контрдыверсійнай барацьбе, - расказаў журналістам Уладзімір Белы. - Перамяшчэнне ў раёны вучэння ажыццяўляецца камбінаваным спосабам: ваеннаслужачыя павінны ў калонах пераадолець участкі разбурэнняў, водныя перашкоды, правесці мерапрыемствы інжынернага забеспячэння па іх пераадоленні. На рубяжах блакіравання і лакалізацыі раёна, дзе размяшчаюцца незаконныя ваенныя фармаванні, будзе ажыццяўляцца так званы вертыкальны ахоп з дэсантаваннем. Будзе пастаянна весціся паветраная разведка з выкарыстаннем беспілотных авіяцыйных комплексаў і малых лятальных апаратаў".

Гэта ўжо другія сумесныя вучэнні беларускіх і расійскіх дэсантнікаў у бягучым годзе. Літаральна месяц таму беларускія ваеннаслужачыя вярнуліся з Ульянаўска, дзе выконвалі задачы, звязаныя з міратворчай тэматыкай. Таксама ў бягучым годзе прадстаўнікі сіл спецыяльных аперацый прымуць удзел у сумесным аператыўным вучэнні "Шчыт Саюза". А восенню, у кастрычніку, на палігоне Брэсцкі пройдзе вучэнне, дзе расійскі бок будзе прадстаўлены батальёнам са сваёй штатнай тэхнікай і ўзбраеннем.-0-

Фота Вадзіма Якубёнка

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.