9 снежня, Мінск /Кар. БЕЛТА/. Калі ў Беларусь прыйдзе кліматычная зіма, расказала на прэс-канферэнцыі начальнік службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Марына Грыцкевіч, перадае карэспандэнт БЕЛТА.
У Беларусі адзначаецца павышаны тэмпературны рэжым, які больш адпавядае канцу кастрычніка - пачатку лістапада. "Што такое кліматычная зіма? Гэта калі сярэднясутачная тэмпература паветра пераходзіць праз нуль градусаў у бок адмоўных значэнняў. Да канца рабочага тыдня па-ранейшаму будзе падтрымлівацца павышаны тэмпературны фон. У бліжэйшыя дні паўднёва-заходнія рэгіёны прагрэюцца да 9-10 градусаў да сярэдзіны дня. Толькі ў канцы тыдня, згодна з папярэднімі доўгатэрміновымі прагнозамі (яны могуць памяняцца), да нас чакаецца паступленне вельмі халоднай арктычнай паветранай масы. У начныя гадзіны стане значна падмарожваць - да мінус 9 градусаў, месцамі пры праясненнях паветра можа ахалоджвацца і да 12 градусаў марозу. Дзённы фон таксама пяройдзе на бок адмоўных значэнняў. Пры гэтым калі на працягу рабочага тыдня ападкі чакаюцца ў выглядзе дажджу з мокрым снегам, то ўжо ў канцы тыдня яны стануць лакальнымі. У ападках пачне пераважаць снег", - падзялілася прагнозам Марына Грыцкевіч.
Для беларускага тыпу клімату характэрны тэмпературныя арэлі, калі марознае надвор'е змяняецца адлігай, адзначыла начальнік службы метэаралагічных прагнозаў Белгідрамета. "У нас прысутнічае заходні перанос паветраных мас, таму тыя цыклоны і атмасферныя франты, якія прыходзяць з Атлантыкі, прыносяць з сабой прагрэтае, цёплае акіянічнае паветра. Таму зазіраць у прагноз надвор'я на студзень яшчэ вельмі рана", - дадала яна.
На пытанне аб тым, ці варта чакаць снегу на Новы год, Марына Грыцкевіч адказала, што да яго застаўся яшчэ працяглы перыяд - 22 дні. "Трэба арыентавацца на кароткатэрміновыя прагнозы надвор'я працягласцю не большай за 7 дзён", - падкрэсліла яна.-0-
У Беларусі адзначаецца павышаны тэмпературны рэжым, які больш адпавядае канцу кастрычніка - пачатку лістапада. "Што такое кліматычная зіма? Гэта калі сярэднясутачная тэмпература паветра пераходзіць праз нуль градусаў у бок адмоўных значэнняў. Да канца рабочага тыдня па-ранейшаму будзе падтрымлівацца павышаны тэмпературны фон. У бліжэйшыя дні паўднёва-заходнія рэгіёны прагрэюцца да 9-10 градусаў да сярэдзіны дня. Толькі ў канцы тыдня, згодна з папярэднімі доўгатэрміновымі прагнозамі (яны могуць памяняцца), да нас чакаецца паступленне вельмі халоднай арктычнай паветранай масы. У начныя гадзіны стане значна падмарожваць - да мінус 9 градусаў, месцамі пры праясненнях паветра можа ахалоджвацца і да 12 градусаў марозу. Дзённы фон таксама пяройдзе на бок адмоўных значэнняў. Пры гэтым калі на працягу рабочага тыдня ападкі чакаюцца ў выглядзе дажджу з мокрым снегам, то ўжо ў канцы тыдня яны стануць лакальнымі. У ападках пачне пераважаць снег", - падзялілася прагнозам Марына Грыцкевіч.
Для беларускага тыпу клімату характэрны тэмпературныя арэлі, калі марознае надвор'е змяняецца адлігай, адзначыла начальнік службы метэаралагічных прагнозаў Белгідрамета. "У нас прысутнічае заходні перанос паветраных мас, таму тыя цыклоны і атмасферныя франты, якія прыходзяць з Атлантыкі, прыносяць з сабой прагрэтае, цёплае акіянічнае паветра. Таму зазіраць у прагноз надвор'я на студзень яшчэ вельмі рана", - дадала яна.
На пытанне аб тым, ці варта чакаць снегу на Новы год, Марына Грыцкевіч адказала, што да яго застаўся яшчэ працяглы перыяд - 22 дні. "Трэба арыентавацца на кароткатэрміновыя прагнозы надвор'я працягласцю не большай за 7 дзён", - падкрэсліла яна.-0-
Падпісвайцеся на нас у
