Фота з архіва
21 чэрвеня, Мінск /Кар. БЕЛТА/. Над новымі спецыяльнасцямі каледжаў вядзецца сумесная работа з арганізацыямі - заказчыкамі кадраў і профільнымі міністэрствамі. Аб гэтым у прэс-цэнтры БЕЛТА паведаміла першы прарэктар Рэспубліканскага інстытута прафесійнай адукацыі Юлія Сычова.
Штогод мяняюцца спецыяльнасці ва ўстановах адукацыі: нейкія спецыяльнасці закрываюцца, а нейкія, запатрабаваныя эканомікай, абнаўляюцца. "Таксама штогод мы адкрываем і зусім новыя спецыяльнасці для Беларусі. Адкрыццю гэтых спецыяльнасцей папярэднічае вялікая складаная работа сумесна з арганізацыямі - заказчыкамі кадраў і профільнымі міністэрствамі. Ініцыятарам адкрыцця новых спецыяльнасцей можа выступіць як установа адукацыі, так і арганізацыі - заказчыкі кадраў. І тут ужо адбываецца сумесная работа, дзе мы вызначаем найменне спецыяльнасці, яе змест і ўносім у нарматыўна-прававыя акты, такія як класіфікатар і іншыя", - расказала Юлія Сычова.
У 2024 годзе на ўзровень сярэдняй спецыяльнай адукацыі будзе прыём па такіх новых спецыяльнасцях, як "тэхнічная эксплуатацыя мехатронных сістэм электроннай вытворчасці", "вытворчасць вырабаў мікра- і нанаэлектронікі", "эксплуатацыя сродкаў вымярэння, лабараторны аналіз".
"Яшчэ хацела б адзначыць, што мы не пакідаем без увагі такую катэгорыю асоб, як людзі з асаблівасцямі псіхафізічнага развіцця. Для іх мы таксама ўводзім новыя кваліфікацыі. З гэтага года ў нас у класіфікатары з'явілася новая кваліфікацыя "фларыст". І ўжо дзеці могуць паступаць ва ўстановы адукацыі, дзе будзе весціся падрыхтоўка па гэтай кваліфікацыі", - праінфармавала першы прарэктар РІПА.-0-
Штогод мяняюцца спецыяльнасці ва ўстановах адукацыі: нейкія спецыяльнасці закрываюцца, а нейкія, запатрабаваныя эканомікай, абнаўляюцца. "Таксама штогод мы адкрываем і зусім новыя спецыяльнасці для Беларусі. Адкрыццю гэтых спецыяльнасцей папярэднічае вялікая складаная работа сумесна з арганізацыямі - заказчыкамі кадраў і профільнымі міністэрствамі. Ініцыятарам адкрыцця новых спецыяльнасцей можа выступіць як установа адукацыі, так і арганізацыі - заказчыкі кадраў. І тут ужо адбываецца сумесная работа, дзе мы вызначаем найменне спецыяльнасці, яе змест і ўносім у нарматыўна-прававыя акты, такія як класіфікатар і іншыя", - расказала Юлія Сычова.
У 2024 годзе на ўзровень сярэдняй спецыяльнай адукацыі будзе прыём па такіх новых спецыяльнасцях, як "тэхнічная эксплуатацыя мехатронных сістэм электроннай вытворчасці", "вытворчасць вырабаў мікра- і нанаэлектронікі", "эксплуатацыя сродкаў вымярэння, лабараторны аналіз".
"Яшчэ хацела б адзначыць, што мы не пакідаем без увагі такую катэгорыю асоб, як людзі з асаблівасцямі псіхафізічнага развіцця. Для іх мы таксама ўводзім новыя кваліфікацыі. З гэтага года ў нас у класіфікатары з'явілася новая кваліфікацыя "фларыст". І ўжо дзеці могуць паступаць ва ўстановы адукацыі, дзе будзе весціся падрыхтоўка па гэтай кваліфікацыі", - праінфармавала першы прарэктар РІПА.-0-
