26 верасня, Мінск /Кар. БЕЛТА/. Законы павінны працаваць на перспектыву і быць зразумелыя людзям, заявіла старшыня Савета Рэспублікі, упаўнаважаны прадстаўнік кіраўніка дзяржавы ў г.Мінску Наталля Качанава ў час сустрэчы з працоўным калектывам Рэспубліканскага навукова-практычнага цэнтра анкалогіі і медыцынскай радыялогіі імя Аляксандрава, перадае карэспандэнт БЕЛТА.
"Асноўны напрамак нашай дзейнасці - работа над законапраектамі. Наша дзяржава - прававая, значыць, яна жыве па законах. У нашай краіне 2300 законаў. Прэзідэнтам пастаўлена задача прывесці ўсю дзеючую нарматыўную прававую базу ў нашай краіне ў парадак. Таму цяпер вядзецца і гэта работа, - адзначыла Наталля Качанава. - Работа над законапраектамі не выбудоўваецца хаатычна. Ёсць план, які зацверджаны Прэзідэнтам. У адпаведнасці з гэтым планам мы і працуем. Прымаючы законы, мы павінны разумець, што яны сапраўды будуць працаваць на перспектыву, будуць зразумелыя людзям, ісці ад зямлі, як гаворыць Прэзідэнт. І гэта вельмі важна для нас".
Спікер нагадала, што па даручэнні Прэзідэнта ў Савеце Рэспублікі створаны Экспертны савет. "Мы на яго запрашаем настаўнікаў, урачоў, чыгуначнікаў - усіх тых людзей, якія маюць дачыненне да таго ці іншага нарматыўнага прававога дакумента. Важна сустракацца з людзьмі, чуць іх, каб тыя рашэнні, якія знойдуць адлюстраванне ў законах - былі правільнымі. Таму для нас такой падмогай з'яўляецца Экспертны савет", - падкрэсліла старшыня Савета Рэспублікі.
Цяпер вядзецца актыўная работа над Кодэксам аб ахове здароўя. І сённяшняя сустрэча - чарговая магчымасць пачуць прапановы ад медыцынскай супольнасці.
Рэспубліканскі навукова-практычны цэнтр анкалогіі і медыцынскай радыялогіі імя Аляксандрава з'яўляецца асноўнай анкалагічнай лячэбна-дыягнастычнай і навукова-адукацыйнай установай, якая выконвае пры гэтым функцыю анкалагічнага дыспансера Мінскай вобласці. У структуры РНПЦ АМР ёсць 39 лячэбна-дыягнастычных аддзяленняў, аддзел пазабюджэтнай дзейнасці і навуковы сектар, які складаецца з 10 лабараторый. Ложкавы фонд уключае 790 ложкаў, у тым ліку 12 рэанімацыйных, 34 ложкі дзённага знаходжання (9 - амбулаторнай хірургіі і 24 - амбулаторнай хіміятэрапіі).
"Асноўны напрамак нашай дзейнасці - работа над законапраектамі. Наша дзяржава - прававая, значыць, яна жыве па законах. У нашай краіне 2300 законаў. Прэзідэнтам пастаўлена задача прывесці ўсю дзеючую нарматыўную прававую базу ў нашай краіне ў парадак. Таму цяпер вядзецца і гэта работа, - адзначыла Наталля Качанава. - Работа над законапраектамі не выбудоўваецца хаатычна. Ёсць план, які зацверджаны Прэзідэнтам. У адпаведнасці з гэтым планам мы і працуем. Прымаючы законы, мы павінны разумець, што яны сапраўды будуць працаваць на перспектыву, будуць зразумелыя людзям, ісці ад зямлі, як гаворыць Прэзідэнт. І гэта вельмі важна для нас".
Спікер нагадала, што па даручэнні Прэзідэнта ў Савеце Рэспублікі створаны Экспертны савет. "Мы на яго запрашаем настаўнікаў, урачоў, чыгуначнікаў - усіх тых людзей, якія маюць дачыненне да таго ці іншага нарматыўнага прававога дакумента. Важна сустракацца з людзьмі, чуць іх, каб тыя рашэнні, якія знойдуць адлюстраванне ў законах - былі правільнымі. Таму для нас такой падмогай з'яўляецца Экспертны савет", - падкрэсліла старшыня Савета Рэспублікі.
Цяпер вядзецца актыўная работа над Кодэксам аб ахове здароўя. І сённяшняя сустрэча - чарговая магчымасць пачуць прапановы ад медыцынскай супольнасці.
Рэспубліканскі навукова-практычны цэнтр анкалогіі і медыцынскай радыялогіі імя Аляксандрава з'яўляецца асноўнай анкалагічнай лячэбна-дыягнастычнай і навукова-адукацыйнай установай, якая выконвае пры гэтым функцыю анкалагічнага дыспансера Мінскай вобласці. У структуры РНПЦ АМР ёсць 39 лячэбна-дыягнастычных аддзяленняў, аддзел пазабюджэтнай дзейнасці і навуковы сектар, які складаецца з 10 лабараторый. Ложкавы фонд уключае 790 ложкаў, у тым ліку 12 рэанімацыйных, 34 ложкі дзённага знаходжання (9 - амбулаторнай хірургіі і 24 - амбулаторнай хіміятэрапіі).
У РНПЦ АМР функцыянуе 18 падраздзяленняў дапаможных службаў (аптэка, аддзел па інжынерным забеспячэнні прамянёвай тэрапіі, аддзел аўтаматызаваных сістэм кіравання, аддзел тэхнічнага абслугоўвання сістэм жыццезабеспячэння і інш.). Цэнтр з'яўляецца навучальна-метадычнай арганізацыяй па падрыхтоўцы навуковых кадраў і спецыялістаў для практычнай аховы здароўя. У цэнтры навучаюцца клінічныя ардынатары завочнай і вочнай форм навучання і інтэрны, праходзяць падрыхтоўку на рабочых месцах і стажыруюцца спецыялісты з нашай краіны і з-за мяжы. Актыўна развіваецца медыка-генетычнае кансультаванне, пачата стварэнне адзінага рэспубліканскага рэгістра пацыентаў са спадчыннымі пухліннымі сіндромамі і членаў іх сем'яў. Арганізаваны рэферэнс-цэнтр па дыягностыцы і лячэнні лімфапраліфератыўных захворванняў, мяккатканкавых, гастраінтэстынальных пухлін, анкагінекалагічнай паталогіі і злаякасных новаўтварэнняў малочнай залозы.-0-
Фота Максіма Гучака
Падпісвайцеся на нас у
