Наталля Качанава. Фота з архіва
18 лютага, Мінск /Кар. БЕЛТА/. Узаемадзеянне паміж парламентамі Беларусі і Азербайджана - прыклад для многіх краін, заявіла старшыня Савета Рэспублікі Наталля Качанава ў час сустрэчы са старшынёй Мілі Меджліса Азербайджанскай Рэспублікі Сагібай Гафаравай, паведамляе карэспандэнт БЕЛТА.
"Мы нацэлены на канструктыўнае ўзаемадзеянне, у гэтым няма ніякага сумнення. Вядома, для нас вельмі важна міжпарламенцкае ўзаемадзеянне. І я шчыра ўдзячна вам за падтрымку, якую вы нам аказваеце на міжнародных пляцоўках. Адносіны Азербайджана і Беларусі могуць служыць прыкладам узаемадзеяння паміж парламентамі", - адзначыла Наталля Качанава.
Спікер заявіла, што беларуска-азербайджанскія адносіны правераны гадамі. "Перамога на выбарах і Ільхама Гейдаравіча, і Аляксандра Рыгоравіча - гэта добры фундамент далейшага стратэгічнага супрацоўніцтва паміж нашымі краінамі. І мы, парламентарыі, павінны зрабіць усё, каб гэта супрацоўніцтва развівалася па ўсіх напрамках", - падкрэсліла старшыня Савета Рэспублікі.
"У аснове палітыкі ў нашай краіне, як і ў Азербайджане, - людзі, іх дабрабыт. Таму мы робім усё для таго, каб нашы людзі жылі шчасліва. Наша краіна яшчэ раз паказала, што мы адзіныя ў захаванні той палітыкі, якая праводзіцца ў нашай краіне", - сказала Наталля Качанава.
Паводле слоў спікера, Беларусь зацікаўлена развіваць адносіны з Азербайджанам абсалютна па ўсіх напрамках. "Гэта і гандлёва-эканамічнае супрацоўніцтва, і культурна-гуманітарныя сувязі. У гэтым годзе мы будзем адзначаць 80-годдзе Вялікай Перамогі. Наша старэйшае пакаленне плячо ў плячо адстойвала свабоду і незалежнасць. Мы памятаем сваю гісторыю. Мы ўдзячны, што вы падтрымліваеце тыя праекты, якія мы арганізуем па маладзёжнай лініі. Юнакі і дзяўчаты з Азербайджана прымалі ўдзел у "Поездзе Памяці". Мы спадзяёмся, што ў гэтым годзе мы зноў сустрэнем дзяцей з Азербайджана ў нас, - дапоўніла Наталля Качанава. - Мы шчыра рады тым узаемаадносінам, якія склаліся ў нас у гуманітарнай сферы. Дні культуры Беларусі і Азербайджана мы праводзім. Мы шчыра жадаем вам паспяховага правядзення ІІІ Гульняў СНД. Нашы спартсмены рыхтуюцца, з вялікім задавальненнем прымуць удзел у гэтых спаборніцтвах".
Парламенцкая дэлегацыя Рэспублікі Беларусь на чале са старшынёй Савета Рэспублікі Наталляй Качанавай прыбыла сёння ў Азербайджанскую Рэспубліку з афіцыйным візітам.
У праграме знаходжання сустрэча старшыні Савета Рэспублікі Наталлі Качанавай са старшынёй Мілі Меджліса Азербайджанскай Рэспублікі Сагібай Гафаравай, пасяджэнне Выканаўчага савета Азіяцкай парламенцкай асамблеі (АПА), 15-я пленарная сесія Азіяцкай парламенцкай асамблеі, шэраг двухбаковых сустрэч.
Тэма пленарнай сесіі вызначана як "Роля парламенцкай дыпламатыі ва ўмацаванні шматбаковага супрацоўніцтва ў Азіі". На пасяджэннях будзе разгледжана пытанне аб прадастаўленні Нацыянальнаму сходу Рэспублікі Беларусь статусу наглядальніка ў АПА.-0-
"Мы нацэлены на канструктыўнае ўзаемадзеянне, у гэтым няма ніякага сумнення. Вядома, для нас вельмі важна міжпарламенцкае ўзаемадзеянне. І я шчыра ўдзячна вам за падтрымку, якую вы нам аказваеце на міжнародных пляцоўках. Адносіны Азербайджана і Беларусі могуць служыць прыкладам узаемадзеяння паміж парламентамі", - адзначыла Наталля Качанава.
Спікер заявіла, што беларуска-азербайджанскія адносіны правераны гадамі. "Перамога на выбарах і Ільхама Гейдаравіча, і Аляксандра Рыгоравіча - гэта добры фундамент далейшага стратэгічнага супрацоўніцтва паміж нашымі краінамі. І мы, парламентарыі, павінны зрабіць усё, каб гэта супрацоўніцтва развівалася па ўсіх напрамках", - падкрэсліла старшыня Савета Рэспублікі.
"У аснове палітыкі ў нашай краіне, як і ў Азербайджане, - людзі, іх дабрабыт. Таму мы робім усё для таго, каб нашы людзі жылі шчасліва. Наша краіна яшчэ раз паказала, што мы адзіныя ў захаванні той палітыкі, якая праводзіцца ў нашай краіне", - сказала Наталля Качанава.
Паводле слоў спікера, Беларусь зацікаўлена развіваць адносіны з Азербайджанам абсалютна па ўсіх напрамках. "Гэта і гандлёва-эканамічнае супрацоўніцтва, і культурна-гуманітарныя сувязі. У гэтым годзе мы будзем адзначаць 80-годдзе Вялікай Перамогі. Наша старэйшае пакаленне плячо ў плячо адстойвала свабоду і незалежнасць. Мы памятаем сваю гісторыю. Мы ўдзячны, што вы падтрымліваеце тыя праекты, якія мы арганізуем па маладзёжнай лініі. Юнакі і дзяўчаты з Азербайджана прымалі ўдзел у "Поездзе Памяці". Мы спадзяёмся, што ў гэтым годзе мы зноў сустрэнем дзяцей з Азербайджана ў нас, - дапоўніла Наталля Качанава. - Мы шчыра рады тым узаемаадносінам, якія склаліся ў нас у гуманітарнай сферы. Дні культуры Беларусі і Азербайджана мы праводзім. Мы шчыра жадаем вам паспяховага правядзення ІІІ Гульняў СНД. Нашы спартсмены рыхтуюцца, з вялікім задавальненнем прымуць удзел у гэтых спаборніцтвах".
Парламенцкая дэлегацыя Рэспублікі Беларусь на чале са старшынёй Савета Рэспублікі Наталляй Качанавай прыбыла сёння ў Азербайджанскую Рэспубліку з афіцыйным візітам.
У праграме знаходжання сустрэча старшыні Савета Рэспублікі Наталлі Качанавай са старшынёй Мілі Меджліса Азербайджанскай Рэспублікі Сагібай Гафаравай, пасяджэнне Выканаўчага савета Азіяцкай парламенцкай асамблеі (АПА), 15-я пленарная сесія Азіяцкай парламенцкай асамблеі, шэраг двухбаковых сустрэч.
Тэма пленарнай сесіі вызначана як "Роля парламенцкай дыпламатыі ва ўмацаванні шматбаковага супрацоўніцтва ў Азіі". На пасяджэннях будзе разгледжана пытанне аб прадастаўленні Нацыянальнаму сходу Рэспублікі Беларусь статусу наглядальніка ў АПА.-0-
Падпісвайцеся на нас у
