Мабільная версія
ДЗЯРЖОРГАНЫ

Апошнія навіны
Усе навіны

Качанава: трэба сустракацца з моладдзю і чуць яе праблемы

Грамадства 28.01.2019 | 09:22
Наталля Качанава
Наталля Качанава

28 студзеня, Полацк /Андрэй Шчарбіцкі - БЕЛТА/. Трэба сустракацца з моладдзю, каб чуць яе праблемы. Такое меркаванне журналістам выказала кіраўнік Адміністрацыі Прэзідэнта Наталля Качанава ў час сустрэчы з навучэнцамі полацкай гімназіі нумар 1 у рамках праекта "ШАГ: школа актыўнага грамадзяніна", на якой яна адказала на пытанні старшакласнікаў і прадстаўнікоў маладзёжнага парламента Полацка і Полацкага раёна, паведамляе карэспандэнт БЕЛТА.

Паводле слоў Наталлі Качанавай, ёй заўсёды вельмі цікава сустракацца з моладдзю. Прысутнічаючы на лінейцы 1 верасня 2018 года, яна дамовілася з навучэнцамі полацкай гімназіі, што прыедзе да іх і адкажа на пытанні.

"Праект "ШАГ: школа актыўнага грамадзяніна" цікавы і знакавы. З моладдзю трэба сустракацца, чуць яе пытанні і праблемы. Цяпер маладыя людзі развітыя не па гадах, і такая нефармальная, даверная сустрэча незалежна ад рангу госця будзе карыснай. Галоўнае, каб абмеркаваныя тэмы былі цікавыя школьнікам, дапамагалі ім адчуць рытм жыцця краіны і, магчыма, правільна выбраць свой прафесійны шлях", - адзначыла кіраўнік Адміністрацыі Прэзідэнта.

Адказваючы на пытанне школьнікаў, як сфарміраваць у маладога чалавека грамадзянскую пазіцыю, Наталля Качанава падкрэсліла, што неабходна быць ініцыятыўным і рабіць усё, што ад цябе залежыць, для паляпшэння сітуацыі вакол, не быць абыякавым да чужых праблем. "Трэба мець унутраны стрыжань, прынцыпы і заўсёды адстойваць сваю жыццёвую пазіцыю. Акрамя таго, важна кожны дзень вучыцца, ведаць гісторыю і культуру сваёй краіны, ганарыцца ёй і сваёй малой радзімай", - сказала кіраўнік Адміністрацыі Прэзідэнта.

Школьнікі акцэнтавалі ўвагу на праблемах экалогіі, паколькі Полацкі раён - прамысловы рэгіён. "Сітуацыя з выкідамі і станам экалогіі рэгулярна маніторыцца спецыялістамі, крытычных праблем у краіне няма. Пытанні аховы навакольнага асяроддзя і экалогіі знаходзяцца на сур'ёзным кантролі, і для паляпшэння яе стану будзе прыняты шэраг мер", - адказала Наталля Качанава.

Маладыя людзі таксама цікавіліся ўражаннямі ад рэспубліканскага балю ў Палацы Незалежнасці, абмеркавалі і работу БРСМ, сістэмы аховы здароўя і адукацыі.

Праект "ШАГ: школа актыўнага грамадзяніна" прадугледжвае арганізацыю ў школах адзінага дня інфармавання сярод старшакласнікаў з запрашэннем грамадскіх дзеячаў, прадстаўнікоў дзяржорганаў, дэпутатаў, медыйных персон, што прадугледжвае фарміраванне грамадзянскай актыўнасці, асобасных якасцей, неабходных ведаў і навыкаў у навучэнцаў.-0-

Фота Аляксандра Хітрова

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

"Гонка легенд" у Раўбічах "Гонка легенд" пройдзе ў рамках чэмпіянату Еўропы па біятлоне і збярэ вядомых біятланістаў, якія дабіваліся значных перамог у спартыўнай кар'еры.