ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -1°C
Усе навіны
Усе навіны
Грамадства
23 верасня 2022, 16:23

Качанава прыняла ўдзел у пасяджэнні Віцебскага гарвыканкама

23 верасня, Віцебск /Алеся Пушнякова - БЕЛТА/. Старшыня Савета Рэспублікі Нацыянальнага сходу Наталля Качанава на пасяджэнні Віцебскага гарвыканкама заслухала даклады па вырашэнні пытанняў, якія жыхары горада ўзнімалі на асабістых прыёмах, якія яна праводзіла ў абласным цэнтры, перадае карэспандэнт БЕЛТА.

Наталля Качанава не адзін раз праводзіла асабісты прыём грамадзян у Віцебску. Нямала нараканняў у гараджан было на работу жыллёва-камунальных службаў. На пасяджэнні гарвыканкама старшыня Савета Рэспублікі абмеркавала з прадстаўнікамі сферы ЖКГ абласнога цэнтра, што ўжо зроблена і якія рашэнні прымаюцца, каб устараніць усе праблемныя пытанні.

Звароты, якія паступаюць ад жыхароў Віцебска ў Савет Рэспублікі, сенатары бяруць на свой кантроль і звяртаюць увагу мясцовых улад, што ўсё павінна быць даведзена да лагічнага завяршэння. Як адзначыла Наталля Качанава, на пасяджэнні адбылася прынцыповая размова як па падрыхтоўцы камунальных службаў да ацяпляльнага сезона, так і правядзенні капітальнага рамонту жыллёвага фонду.

Спецыялісты запэўнілі, што камунальныя службы гатовы да ацяпляльнага сезона. У Віцебску ўжо ўключаюць ацяпленне ва ўстановах адукацыі, аховы здароўя, сацсферы. Калі ў бліжэйшыя дні захаваецца халоднае надвор'е, то ўключаць ацяпленне і ў жыллёвым фондзе.

Што датычыцца капітальнага рамонту жыллёвага фонду, то цяжкасці тут у даволі вялікім тэрміне эксплуатацыі жылых дамоў, і каб прывесці канкрэтны дом у належны стан, дзе будуць усе выгоды і сучасныя камунікацыі, неабходна падысці да справы комплексна. Гэта дасць магчымасць на доўгія гады захаваць жыллё ў належным стане і не вяртацца да аднаго і таго ж аб'екта з паляпшэннямі, аб якіх просяць жыльцы. Аб'ёмы па капрамонце ў Віцебску чакаюцца вялікія, і тут трэба знаходзіць рэзервы і не зацягваць тэрміны. Таксама можна прыцягнуць насельніцтва да навядзення парадку каля іх дамоў, ініцыяваць суботнікі, уключаць жыхароў горада ў вырашэнне гэтых задач.

У Віцебску прадаўжаецца і капітальны рамонт дахаў у дамах: пакуль адрамантавалі 65 працэнтаў ад запланаванай колькасці, аднак кіраўніцтва ЖКГ горада запэўнівае, што да канца года работы будуць завершаны. З усімі астатнімі запланаванымі работамі камунальныя службы практычна справіліся, таму асенне-зімовы перыяд 2022-2023 гадоў павінен прайсці без збояў.

Больш смеласці ў мясцовых выканаўчых органаў павінна быць і ў прыняцці рашэнняў па зваротах грамадзян, і ў выбудоўванні эфектыўнай сістэмы работы камунальнай гаспадаркі. "Кіраўнікі на месцах павінны рабіць па-дзяржаўнаму, самі бачыць, што трэба рабіць у жылфондзе. Вядома, немагчыма ўсё адрамантаваць адразу. Кожную капейку з бюджэту трэба расходаваць рацыянальна. Аднак разам з тым трэба наладзіць сістэмную работу ў вырашэнні праблем у сферы ЖКГ. І ў Віцебску яна дзейнічае. Важна працаваць усім разам, усім зацікаўленым службам, і чуць людзей", - адзначыла Наталля Качанава.

Акрамя надзённых пытанняў на пасяджэнні абмеркавалі і перспектывы, тое, што трэба будзе зрабіць у наступным годзе па добраўпарадкаванні і рамонце жылфонду. "Кіраўніцтва і горада, і прадпрыемстваў ЖКГ разумее сваю адказнасць за выкананне гэтых работ. Трэба, каб людзі ведалі сітуацыю і былі праінфармаваны, калі ў іх дамах плануюць праводзіць тыя ці іншыя работы", - падкрэсліла старшыня Савета Рэспублікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі