Наталля Качанава
15 красавіка, Глыбокае /Алеся Пушнякова - БЕЛТА/. Супрацоўнікі ААТ "Глыбоцкі малочнакансервавы камбінат" былі адкрытымі ў размове, уздымалі пытанні з розных сфер, і такая работа з насельніцтвам важна для членаў Савета Рэспублікі, яна дае разуменне, што адбываецца на месцах. Такім меркаваннем з журналістамі пасля сустрэчы з калектывам прадпрыемства падзялілася старшыня Савета Рэспублікі Нацыянальнага сходу Беларусі Наталля Качанава, перадае карэспандэнт БЕЛТА.
Спікер паразмаўляла з калектывам, адказала на пытанні супрацоўнікаў. "Я вельмі задаволена гэтай сустрэчай, людзі былі адкрытымі. Тыя, хто хацеў задаць пытанні не публічна, засталіся пасля сустрэчы. Я абрадавалася таму, што людзі жывуць у вёсках, працуючы на гэтым прадпрыемстве. Галоўнае, трэба забяспечыць, каб была добрая транспартная лагістыка, каб людзі маглі своечасова прыехаць на работу", - адзначыла старшыня Савета Рэспублікі.
Наталля Качанава, азнаёміўшыся з дзейнасцю Глыбоцкага МКК, адзначыла, што прадпрыемства працуе стабільна, яго прадукцыя якасная і карыстаецца попытам. "Мы звяртаем увагу на заработную плату, грамадска-палітычную абстаноўку ў калектыве", - падкрэсліла спікер.
Яна расказала, што на прадпрыемстве калектыў даволі малады, абнаўляецца, тут ёсць маладзёжная арганізацыя, але няма жаночай, а між тым прадстаўніцы слабага полу з'яўляюцца аб'яднальнай сілай, якая можа садзейнічаць развіццю камбіната. "Сёння даволі шмат жанчын задавалі пытанні, я ўпэўнена, што тут будзе створана гэта арганізацыя, а мы пасадзейнічаем гэтаму", - сказала Наталля Качанава.
Спікер акцэнтавала ўвагу, што такія сустрэчы важныя для прадстаўнікоў усіх сфер улады. "Я люблю сустрэчы ў калектывах, выязджаць у рэгіёны. Гэту задачу перад намі ставіць Прэзідэнт, заўсёды гаворыць аб тым, што няма нічога лепшага, чым калі ты глядзіш у вочы людзей, з якімі размаўляеш. Самае галоўнае - мы даносім інфармацыю, якую ведаем мы, чым сёння жыве краіна", - адзначыла Наталля Качанава.
Яна дадала, што складана пераацаніць значэнне такіх сустрэч, па выніках якіх відаць зрэз актуальных пытанняў: "Нам трэба часцей бываць у калектывах, сустракацца з людзьмі і тады прымаць абсалютна правільныя і вывераныя рашэнні для таго ці іншага рэгіёна або ў цэлым для краіны".
Паводле слоў Наталлі Качанавай, сустрэча на Глыбоцкім МКК паказала, што ў рэгіёнах актуальна пытанне будаўніцтва жылля ў сельскай мясцовасці, і для гэтага ўраду трэба ўважліва вывучыць існуючую сітуацыю ў гэтай сферы, каб прымаць рашэнні, якія будуць выконваць задачы не толькі будаўніцтва, але і іншыя, у тым ліку дэмаграфіі.-0-
Фота Аляксандра Хітрова
Спікер паразмаўляла з калектывам, адказала на пытанні супрацоўнікаў. "Я вельмі задаволена гэтай сустрэчай, людзі былі адкрытымі. Тыя, хто хацеў задаць пытанні не публічна, засталіся пасля сустрэчы. Я абрадавалася таму, што людзі жывуць у вёсках, працуючы на гэтым прадпрыемстве. Галоўнае, трэба забяспечыць, каб была добрая транспартная лагістыка, каб людзі маглі своечасова прыехаць на работу", - адзначыла старшыня Савета Рэспублікі.
Наталля Качанава, азнаёміўшыся з дзейнасцю Глыбоцкага МКК, адзначыла, што прадпрыемства працуе стабільна, яго прадукцыя якасная і карыстаецца попытам. "Мы звяртаем увагу на заработную плату, грамадска-палітычную абстаноўку ў калектыве", - падкрэсліла спікер.
Яна расказала, што на прадпрыемстве калектыў даволі малады, абнаўляецца, тут ёсць маладзёжная арганізацыя, але няма жаночай, а між тым прадстаўніцы слабага полу з'яўляюцца аб'яднальнай сілай, якая можа садзейнічаць развіццю камбіната. "Сёння даволі шмат жанчын задавалі пытанні, я ўпэўнена, што тут будзе створана гэта арганізацыя, а мы пасадзейнічаем гэтаму", - сказала Наталля Качанава.
Спікер акцэнтавала ўвагу, што такія сустрэчы важныя для прадстаўнікоў усіх сфер улады. "Я люблю сустрэчы ў калектывах, выязджаць у рэгіёны. Гэту задачу перад намі ставіць Прэзідэнт, заўсёды гаворыць аб тым, што няма нічога лепшага, чым калі ты глядзіш у вочы людзей, з якімі размаўляеш. Самае галоўнае - мы даносім інфармацыю, якую ведаем мы, чым сёння жыве краіна", - адзначыла Наталля Качанава.
Яна дадала, што складана пераацаніць значэнне такіх сустрэч, па выніках якіх відаць зрэз актуальных пытанняў: "Нам трэба часцей бываць у калектывах, сустракацца з людзьмі і тады прымаць абсалютна правільныя і вывераныя рашэнні для таго ці іншага рэгіёна або ў цэлым для краіны".
Паводле слоў Наталлі Качанавай, сустрэча на Глыбоцкім МКК паказала, што ў рэгіёнах актуальна пытанне будаўніцтва жылля ў сельскай мясцовасці, і для гэтага ўраду трэба ўважліва вывучыць існуючую сітуацыю ў гэтай сферы, каб прымаць рашэнні, якія будуць выконваць задачы не толькі будаўніцтва, але і іншыя, у тым ліку дэмаграфіі.-0-
Фота Аляксандра Хітрова
