14 верасня, Мінск /Кар. БЕЛТА/. Старшыня Савета Рэспублікі Наталля Качанава напярэдадні Дня бібліятэк наведала Нацыянальную бібліятэку Беларусі і перадала ў музей бібліятэкі памятны падарунак - зборнік беларускіх прыказак, уручаны старшынёй Савета Федэрацыі РФ Валянцінай Мацвіенка, перадае карэспандэнт БЕЛТА.
"Я шчыра хачу павіншаваць вас з прафесійным святам. Вы робіце вялікую справу, на мой погляд. Я асабіста чытач з самага ранняга ўзросту. Я вельмі люблю чытаць, - сказала Наталля Качанава. - Я жадаю вам прафесійных поспехаў у вашай рабоце, як мага больш чытачоў, якія прыходзілі б сюды, вывучалі гісторыю нашай краіны, знаходзілі б тут тое, што ім патрэбна з улікам сваіх інтарэсаў, для сваёй работы, свайго самаразвіцця. Тут сёння прысутнічаюць маладыя спецыялісты. На мой погляд, вы выбралі ўнікальную прафесію для сябе".
Спікер пажадала далейшага развіцця і самой Нацыянальнай бібліятэцы Беларусі. "Усяго самага добрага нашай самай вядомай бібліятэцы не толькі ў краіне, але і свеце. Няхай яна прырастае новымі добрымі выданнямі, якія будуць радаваць нас новымі таленавітымі аўтарамі, пісьменнікамі, - падкрэсліла старшыня Савета Рэспублікі. - Вельмі хочацца, каб у нашай краіне з'яўлялася як мага больш таленавітай моладзі, тых людзей, якія пішуць пра нашу Беларусь. Таму што мастацтва (кнігі, фільмы, песні) - гэта тое, што фарміруе чалавека. Дай бог, каб у нас такіх аўтараў было больш і мы ганарыліся імі".
"Я шчыра віншую ўсіх з Днём народнага адзінства, які мы будзем святкаваць праз некалькі дзён. Гэта свята аб'ядноўвае нас усіх у імкненні зрабіць сваю краіну прыгажэйшай, лепшай, ну а самае галоўнае - захаваць суверэнітэт і незалежнасць. У наш час, такі складаны і няпросты, гэта архіважна. Таму мы павінны быць заўсёды адзіныя ў адстойванні інтарэсаў сваёй краіны і свайго народа", - дапоўніла Наталля Качанава.-0-
Падпісвайцеся на нас у
