Сцяг Чацвер, 25 ліпеня 2024
Усе навіны
Усе навіны
Грамадства
06 чэрвеня 2024, 18:31

Качанава: Мінск павінен быць узорам ва ўсім

Наталля Качанава
Наталля Качанава
6 чэрвеня, Мінск /Кар. БЕЛТА/. Мінск павінен быць узорам ва ўсім. Аб гэтым заявіла старшыня Савета Рэспублікі, упаўнаважаны прадстаўнік Прэзідэнта Рэспублікі Беларусь у Мінску Наталля Качанава на пасяджэнні Мінгарвыканкама "Аб выніках сацыяльна-эканамічнага развіцця г.Мінска за студзень-сакавік 2024 года", перадае карэспандэнт БЕЛТА.

У Мінску за студзень-сакавік выкананы ўсе мэтавыя паказчыкі: валавы рэгіянальны прадукт, намінальная налічаная сярэднямесячная заработная плата, інвестыцыі ў асноўны капітал, сукупныя паступленні даходаў кансалідаванага бюджэту, нарматыў зніжэння ўзроўню затрат на вытворчасць і рэалізацыю прадукцыі (работ, паслуг). Але галоўнае - у далейшым не дапусціць спаду, падкрэсліла Наталля Качанава.

Мінск - сталіца, а значыць, павінен быць узорам ва ўсім, у тым ліку і ў навядзенні парадку не толькі на вуліцах і праспектах, але і ў дварах. "Наводзіць парадак - святы абавязак усіх. У нас павінна быць ідэальная чысціня ўсюды: у кожнай арганізацыі, у кожнай установе, на прадпрыемстве. Па азеляненні трэба рабіць так, каб гэта была прыгажосць незямная. І трэба таксама прыцягваць да гэтага людзей", - адзначыла Наталля Качанава.

Спікер закранула і работу са зваротамі грамадзян. "Нам трэба рабіць усё, каб звароты, якія паступаюць па пытаннях навядзення парадку, капітальнага рамонту жылфонду, эфектыўнай работы прадпрыемстваў, работы з людзьмі, былі на першым месцы. З людзьмі трэба працаваць вельмі эфектыўна. Трэба адыходзіць ад бюракратызму і цяганіны", - падкрэсліла Наталля Качанава.
"Хочам жыць у суверэннай, незалежнай дзяржаве, хочам, каб нашы дзеці жылі ў міры і спакоі? Гэта ўсё ад нас залежыць. Спагнанне будзе вельмі строгім. Дробязей у нашай рабоце няма. Мы павінны больш строга падыходзіць да выканання задач не толькі кіраўнікамі прадпрыемстваў камунальнай, але і рэспубліканскай формы ўласнасці, у тым ліку кіраўнікамі, якія ўзначальваюць гэтыя галіны. Калі прынята рашэнне выканкама, то трэба выконваць яго. Калі Прэзідэнт паставіў задачу, яе трэба выконваць", - рэзюмавала Наталля Качанава.-0-
Фота Максіма Гучака
Падпісвайцеся на нас у
Twitter
Топ-навіны
Свежыя навіны Беларусі