Сцяг Чацвер, 18 ліпеня 2024
Усе навіны
Усе навіны
Грамадства
10 чэрвеня 2024, 16:21

Качанава: для нас вельмі важна ўзаемадзеянне з Расійскай Федэрацыяй на ўзроўні рэгіёнаў

10 чэрвеня, Мінск /Кар. БЕЛТА/. Для Беларусі вельмі важна ўзаемадзеянне з Расійскай Федэрацыяй на ўзроўні рэгіёнаў, заявіла старшыня Савета Рэспублікі Наталля Качанава ў час сустрэчы з губернатарам Варонежскай вобласці Аляксандрам Гусевым, перадае карэспандэнт БЕЛТА.

"Для нас вельмі важна ўзаемадзеянне з Расійскай Федэрацыяй на ўзроўні рэгіёнаў. Мы паўдзельнічалі ў праектах, якія сёння рэалізаваны ў Варонежскай вобласці, і шчыра рады таму, што гэта работа дала свае вынікі", - сказала Наталля Качанава.

Паводле слоў спікера, асаблівыя вынікі дасягнуты ў будаўнічай сферы, у якой Варонежская вобласць стала лідарам сярод рэгіёнаў Расіі па прыцягненні беларускага патэнцыялу. Агульны кошт рэалізуемых у рамках супрацоўніцтва будаўнічых праектаў за апошнія 3 гады ўзрос больш як у 10 разоў.

У рамках супрацоўніцтва ўзведзены тры школы, уключаючы буйнейшы ў Расійскай Федэрацыі адукацыйны цэнтр. У мінулым годзе рэалізаваны першы этап стварэння "Беларускага квартала" індывідуальнай жылой забудовы з прымяненнем домакамплектаў шклоўскай вытворчасці ў экавёсцы Лушнікоўка.

Вядуцца работы па будаўніцтве дзіцячага сада ў Варонежы і завода па ўтылізацыі шын. У 2024 годзе завершана рэалізацыя праекта рэканструкцыі стадыёна АТ СК "Факел". "Практычна ўсе аб'екты - гэта пагадненні і кантракты, якія былі падпісаны ў рамках Форуму рэгіёнаў", - падкрэсліла Наталля Качанава.

Старшыня Савета Рэспублікі запрасіла прадстаўнікоў Варонежскай вобласці на XI Форум рэгіёнаў Беларусі і Расіі.-0-
Падпісвайцеся на нас у
Twitter
Топ-навіны
Свежыя навіны Беларусі