Фота Савета Рэспублікі
28 мая, Мінск /Кар. БЕЛТА/. Беларусь і Кітай дасягнулі беспрэцэдэнтнага ўзроўню ўсебаковага супрацоўніцтва, заявіла старшыня Савета Рэспублікі Наталля Качанава ў час першага пасяджэння Камітэта высокага ўзроўню па супрацоўніцтве паміж заканадаўчымі органамі Рэспублікі Беларусь і Кітайскай Народнай Рэспублікі ў Доме народных сходаў у Пекіне, паведамляе карэспандэнт БЕЛТА.
"Беларусь ганарыцца і даражыць дружбай з Вялікім Кітаем. Найвышэйшы ўзровень адносін паміж нашымі краінамі - гэта перш за ўсё заслуга мудрых лідараў нашых дзяржаў, - адзначыла Наталля Качанава. - За больш як тры дзесяцігоддзі Беларусь і Кітай дабіліся поспеху ў развіцці палітычных, эканамічных і гуманітарных кантактаў і дасягнулі беспрэцэдэнтнага ўзроўню ўсебаковага супрацоўніцтва. Прэзідэнт Рэспублікі Беларусь Аляксандр Лукашэнка неаднаразова сустракаўся са Старшынёй Кітайскай Народнай Рэспублікі Сі Цзіньпінам, што пацвярджае асабліва даверны характар беларуска-кітайскіх адносін. У верасні 2022 года на палях саміту Шанхайскай арганізацыі супрацоўніцтва ў Самаркандзе лідары Беларусі і Кітая прынялі сумесную дэкларацыю аб вывадзе адносін на новы ўзровень усепагоднага і ўсебаковага стратэгічнага партнёрства".
Беларусаў і кітайцаў аб'ядноўвае вельмі шмат і з пункту гледжання маральна-каштоўнасных арыенціраў, якія мы разам абараняем ад знешніх замахаў і спроб падмяніць іх чужымі канцэпцыямі і каштоўнаснымі ўстаноўкамі, якія разбураюць суверэнныя краіны знутры, падкрэсліла старшыня Савета Рэспублікі. "Усё гэта, безумоўна, забяспечвае надзейны фундамент для паспяховага развіцця міждзяржаўных сувязей, умацавання міжпарламенцкага дыялогу, - сказала спікер. - Рэспубліка Беларусь і Кітайская Народная Рэспубліка - прававыя дзяржавы. Нашы парламенты даўно ўзаемадзейнічаюць на двухбаковай аснове і ў рамках міжнародных арганізацый. Паміж нашымі краінамі існуе развітая дагаворна-прававая база, якая з кожным годам папаўняецца новымі пагадненнямі. З падпісаннем у 2023 годзе пагаднення паміж Нацыянальным сходам Рэспублікі Беларусь і Усекітайскім сходам народных прадстаўнікоў і стварэннем Камітэта высокага ўзроўню мы вывелі наша міжпарламенцкае ўзаемадзеянне на якасна новы ўзровень".
Наталля Качанава адзначыла, што першае пасяджэнне камітэта стане важнай вяхой у гісторыі беларуска-кітайскага парламентарызму. "Мы надаём вялікае значэнне той ролі, якую Камітэт высокага ўзроўню можа адыграць у справе ўмацавання міждзяржаўнага і міжпарламенцкага дыялогу, садзейнічання эфектыўнай рэалізацыі дамоўленасцей, дасягнутых бакамі на вышэйшым і высокім узроўнях", - дадала спікер.-0-
"Беларусь ганарыцца і даражыць дружбай з Вялікім Кітаем. Найвышэйшы ўзровень адносін паміж нашымі краінамі - гэта перш за ўсё заслуга мудрых лідараў нашых дзяржаў, - адзначыла Наталля Качанава. - За больш як тры дзесяцігоддзі Беларусь і Кітай дабіліся поспеху ў развіцці палітычных, эканамічных і гуманітарных кантактаў і дасягнулі беспрэцэдэнтнага ўзроўню ўсебаковага супрацоўніцтва. Прэзідэнт Рэспублікі Беларусь Аляксандр Лукашэнка неаднаразова сустракаўся са Старшынёй Кітайскай Народнай Рэспублікі Сі Цзіньпінам, што пацвярджае асабліва даверны характар беларуска-кітайскіх адносін. У верасні 2022 года на палях саміту Шанхайскай арганізацыі супрацоўніцтва ў Самаркандзе лідары Беларусі і Кітая прынялі сумесную дэкларацыю аб вывадзе адносін на новы ўзровень усепагоднага і ўсебаковага стратэгічнага партнёрства".
Беларусаў і кітайцаў аб'ядноўвае вельмі шмат і з пункту гледжання маральна-каштоўнасных арыенціраў, якія мы разам абараняем ад знешніх замахаў і спроб падмяніць іх чужымі канцэпцыямі і каштоўнаснымі ўстаноўкамі, якія разбураюць суверэнныя краіны знутры, падкрэсліла старшыня Савета Рэспублікі. "Усё гэта, безумоўна, забяспечвае надзейны фундамент для паспяховага развіцця міждзяржаўных сувязей, умацавання міжпарламенцкага дыялогу, - сказала спікер. - Рэспубліка Беларусь і Кітайская Народная Рэспубліка - прававыя дзяржавы. Нашы парламенты даўно ўзаемадзейнічаюць на двухбаковай аснове і ў рамках міжнародных арганізацый. Паміж нашымі краінамі існуе развітая дагаворна-прававая база, якая з кожным годам папаўняецца новымі пагадненнямі. З падпісаннем у 2023 годзе пагаднення паміж Нацыянальным сходам Рэспублікі Беларусь і Усекітайскім сходам народных прадстаўнікоў і стварэннем Камітэта высокага ўзроўню мы вывелі наша міжпарламенцкае ўзаемадзеянне на якасна новы ўзровень".
Наталля Качанава адзначыла, што першае пасяджэнне камітэта стане важнай вяхой у гісторыі беларуска-кітайскага парламентарызму. "Мы надаём вялікае значэнне той ролі, якую Камітэт высокага ўзроўню можа адыграць у справе ўмацавання міждзяржаўнага і міжпарламенцкага дыялогу, садзейнічання эфектыўнай рэалізацыі дамоўленасцей, дасягнутых бакамі на вышэйшым і высокім узроўнях", - дадала спікер.-0-
