Юрый Чабатар
19 жніўня, Мінск /Кар. БЕЛТА/. Пералік відаў дзейнасці для рамеснікаў, над якім вядзецца цяпер работа, стане меншым у параўнанні з дзеючым раней. Аб гэтым паведаміў журналістам міністр эканомікі Юрый Чабатар па выніках нарады Прэзідэнта Беларусі Аляксандра Лукашэнкі з кіраўніцтвам Савета Міністраў, перадае карэспандэнт БЕЛТА.
Ён растлумачыў, што на мерапрыемстве абмяркоўваўся праект указа кіраўніка дзяржавы аб ажыццяўленні фізічнымі асобамі рамеснай дзейнасці. Плануецца, што з прыняццем гэтага дакумента ўрадам будзе зацверджаны канкрэтны пералік такіх відаў дзейнасці. "Асноўнае патрабаванне да гэтага пераліку мы выпрацавалі і сёння ўзгаднілі. Гэта перш за ўсё захаванне аўтэнтычных, самабытных нашых рамёстваў. Усё гэта павінна вырабляцца рамеснікамі сваімі рукамі і з дапамогай прымітыўных прылад працы", - растлумачыў міністр.
Тыя віды дзейнасці, якія не трапяць у пералік, што рыхтуецца, можна будзе ажыццяўляць, напрыклад, у якасці самазанятых з выплатай падатку на прафесійны даход (10 працэнтаў). "Для тых самых унікальных рамеснікаў (прадугледжаны. - Заўвага БЕЛТА) спецыяльны збор Br6,5 у месяц, і яны змогуць спакойна займацца сваім рамяством", - удакладніў Юрый Чабатар.
У выніку пералік відаў дзейнасці для рамеснікаў стане меншым у параўнанні з дзеючым раней. "Пералік для рамеснікаў зменшыцца. З улікам захавання выключна самабытных відаў дзейнасці. Інакш кажучы, тыя віды, якія папулярны і развіты, напрыклад стварэнне вырабаў з эпаксіднай смалы, гіпсу, варэнне мыла... Тут няма нашай беларускай самабытнасці. Значыць, такія віды дзейнасці з гэтага пераліку будуць выключаны", - сказаў міністр.
Паводле слоў міністра, усе пералікі відаў дзейнасці абмяркоўваліся на розных платформах, і ў выніку два з іх ужо былі зацверджаны - для індывідуальных прадпрымальнікаў (крыху больш за 120 відаў) і для самазанятых (крыху больш за 80 відаў). Трэці - для рамеснікаў - павінен з'явіцца ў бліжэйшы час. Усе гэтыя пералікі ўзаемаўвязаны, каб не было канфлікту інтарэсаў.-0-
Ён растлумачыў, што на мерапрыемстве абмяркоўваўся праект указа кіраўніка дзяржавы аб ажыццяўленні фізічнымі асобамі рамеснай дзейнасці. Плануецца, што з прыняццем гэтага дакумента ўрадам будзе зацверджаны канкрэтны пералік такіх відаў дзейнасці. "Асноўнае патрабаванне да гэтага пераліку мы выпрацавалі і сёння ўзгаднілі. Гэта перш за ўсё захаванне аўтэнтычных, самабытных нашых рамёстваў. Усё гэта павінна вырабляцца рамеснікамі сваімі рукамі і з дапамогай прымітыўных прылад працы", - растлумачыў міністр.
Тыя віды дзейнасці, якія не трапяць у пералік, што рыхтуецца, можна будзе ажыццяўляць, напрыклад, у якасці самазанятых з выплатай падатку на прафесійны даход (10 працэнтаў). "Для тых самых унікальных рамеснікаў (прадугледжаны. - Заўвага БЕЛТА) спецыяльны збор Br6,5 у месяц, і яны змогуць спакойна займацца сваім рамяством", - удакладніў Юрый Чабатар.
У выніку пералік відаў дзейнасці для рамеснікаў стане меншым у параўнанні з дзеючым раней. "Пералік для рамеснікаў зменшыцца. З улікам захавання выключна самабытных відаў дзейнасці. Інакш кажучы, тыя віды, якія папулярны і развіты, напрыклад стварэнне вырабаў з эпаксіднай смалы, гіпсу, варэнне мыла... Тут няма нашай беларускай самабытнасці. Значыць, такія віды дзейнасці з гэтага пераліку будуць выключаны", - сказаў міністр.
Паводле слоў міністра, усе пералікі відаў дзейнасці абмяркоўваліся на розных платформах, і ў выніку два з іх ужо былі зацверджаны - для індывідуальных прадпрымальнікаў (крыху больш за 120 відаў) і для самазанятых (крыху больш за 80 відаў). Трэці - для рамеснікаў - павінен з'явіцца ў бліжэйшы час. Усе гэтыя пералікі ўзаемаўвязаны, каб не было канфлікту інтарэсаў.-0-
Падпісвайцеся на нас у
