Якія парушэнні часцей за ўсё выяўляюць пры праверцы тэхстану аўто, расказалі ў "Белтэхаглядзе"

4 кастрычніка, Мінск / Кар. БЕЛТА/. Якія парушэнні часцей за ўсё выяўляюць пры праверцы тэхнічнага стану транспартных сродкаў, паведамілі БЕЛТА ў "Белтэхаглядзе".

"За дзевяць месяцаў 2024 года дыягнастычнымі станцыямі праведзена 1 284 567 праверак тэхнічнага стану транспартных сродкаў. З агульнай колькасці транспартных сродкаў, прадстаўленых на дзяржаўны тэхнічны агляд, 19,8 працэнта мелі рознага характару неадпаведнасці ўстаноўленым патрабаванням (у верасні гэты працэнт склаў 22,4 працэнта). Напрыклад, з агульнай колькасці неадпаведнасцей у бягучым годзе 41,5 працэнта - адносна тармазной сістэмы, 23,6 працэнта - вонкавых светлавых прыбораў, 6,6 працэнта - рухавіка і яго сістэм", - расказалі ў "Белтэхаглядзе".

За верасень гэтага года выдадзена 116 197 дазволаў на допуск транспартнага сродку да ўдзелу ў дарожным руху, што на 19 працэнтаў менш за гэты паказчык за аналагічны перыяд 2023 года. Пры гэтым у адносінах да фізічных асоб у верасні выдадзена 94 420 дазволаў (81,3 працэнта ад агульнай колькасці).

Агульная колькасць дазволаў, выдадзеных за дзевяць месяцаў 2024 года, склала 1 149 457, што на 4,7 працэнта менш за аналагічны паказчык мінулага года. Адносна электрамабіляў у верасні гэтага года аформлены 771 дазвол (усяго з пачатку года - 10 968 дазволаў).-0-