3 мая, Мінск /Кар. БЕЛТА/. У YouTube-праекце БЕЛТА "Па факце: рашэнні Першага" дырэктар дэпартамента па турызме Міністэрства спорту і турызму Ірына Варановіч расказала аб тонкасцях, якія трэба ўлічваць пры адкрыцці ўласнай аграэкасядзібы.
"Пачаць займацца такой дзейнасцю даволі проста, таму што ёсць ільготныя ўмовы. Гэта не прадпрымальніцкая дзейнасць, што аблягчае афармленне. Важна жаданне і зямля, якая будзе выкарыстоўвацца па прызначэнні. У выпадку з домам ёсць агаворка - у ім павінна быць не больш за 10 пакояў для пражывання", - звярнула ўвагу Ірына Варановіч.
Яна падкрэсліла, што ў аграэкатурызм уваходзіць таксама вядзенне гаспадаркі альбо вырошчванне прадуктаў харчавання: "Таму мы гаворым, што кожная аграсядзіба адрозніваецца. Напрыклад, кулінарнымі рэцэптамі, характэрнымі для розных абласцей нашай краіны. Акрамя таго, многія на базе сваіх аграэкасядзіб адкрываюць, напрыклад, кантактны заапарк. Таму што сёння дзеці і моладзь, якія жывуць у горадзе, часта не ўяўляюць, як выглядаюць жывыя жывёлы. Гэта таксама карыстаецца папулярнасцю. Такім чынам, можна азнаёміць дзяцей з тым, што яны бачылі толькі ў кнігах. Гэта падмога, якая дае магчымасць сумяшчаць карыснае з прыемным", - рэзюмавала Ірына Варановіч.
Праект створаны за кошт сродкаў мэтавага збору на вытворчасць нацыянальнага кантэнту.-0-
