Навіны сюжэта
""Па факце: рашэнні Першага". Праект БЕЛТА"
5 лютага, Мінск /Кар. БЕЛТА/. Удзел Беларусі ў Шанхайскай арганізацыі супрацоўніцтва - гэта не даніна модзе, а пошук новых кропак росту. Аб гэтым заявіў пасол па асобых даручэннях МЗС па пытаннях узаемадзеяння Беларусі з ШАС і БРІКС Андрэй Лучанок у YouTube-праекце БЕЛТА "Па факце: рашэнні Першага".
"Калі мы прынялі рашэнне пачаць работу па далучэнні да арганізацыі, гэта была не даніна модзе і не імкненне прытрымлівацца ўсеагульнага жадання далучыцца да нечага новага. Мы выразна ўсведамлялі стваральны патэнцыял гэтай арганізацыі, спадзяваліся на практычную аддачу ў яе рабоце. Спачатку яна стваралася як платформа для ўзаемадзеяння ў сферы бяспекі, але на сённяшні дзень мы разлічваем на некаторыя практычныя кропкі росту", - сказаў Андрэй Лучанок.
У студзені кіраўнік дзяржавы Аляксандр Лукашэнка адобрыў стратэгіі ўдзелу Беларусі ў рабоце ШАС і БРІКС. У гэтых дакументах вызначаюцца задачы і прыярытэтныя напрамкі работы.
Перш за ўсё размова ідзе пра эканоміку. "Сёння з-за дамінавання некаторых краін Захаду ў сусветнай эканоміцы і фінансах шэраг дзяржаў зведвае на сабе мацнейшы санкцыйны націск, абмежаванні ў гандлі. І зразумела, наша цікавасць заключаецца ў выпрацоўцы новай, альтэрнатыўнай фінансавай, інвестыцыйнай плацежнай інфраструктуры. І такая ідэя цяпер абмяркоўваецца і ў ШАС, і ў БРІКС. Паралельна вядзём работу над павелічэннем долі разлікаў у нацыянальных валютах, каб усё менш і менш залежаць ад заходніх валют", - адзначыў пасол па асобых даручэннях МЗС.
Наступны напрамак - лагістыка. Беларусь зацікаўлена ў стварэнні і развіцці ўжо існуючых транспартных калідораў, чыгуначных, сухапутных, марскіх, мультымадальных зносін. "Транспартная ўзаемазвязанасць і пашырэнне лагістычнай прасторы ШАС - гэта тое, дзе мы бачым магчымасці для работы і практычнай аддачы", - падкрэсліў дыпламат.
"Трэцяй тэмай можна вылучыць харчовую бяспеку. Гэта тое, дзе мы маем і вопыт, і кампетэнцыі, і дасягненні, і гатовы дзяліцца тэхналогіямі, - заявіў Андрэй Лучанок. - Намі вылучана некалькі ініцыятыў. Гэта правядзенне выстаўкі "Агра-ШАС" у рамках "Белагра" і стварэнне Міжбіржавога саюза краін ШАС, які дасць магчымасць мець уласныя цэнавыя індыкатары і будзе садзейнічаць больш справядліваму цэнаўтварэнню на біржавыя тавары. Гэта ў інтарэсах усіх дзяржаў - членаў арганізацыі".
Не трэба забываць пра культурна-гуманітарны складнік. "ШАС - гэта ўзаемапавага, мультыкультурнасць. Збліжэнне народаў, умацаванне "шанхайскай сям'і", шанхайскага духу - гэта вельмі важна. Сюды мы можам аднесці сумесныя спартыўныя спаборніцтвы, фестывалі культуры. Думаю, такіх мерапрыемстваў будзе яшчэ шмат", - дадаў пасол па асобых даручэннях МЗС.-0-
"Калі мы прынялі рашэнне пачаць работу па далучэнні да арганізацыі, гэта была не даніна модзе і не імкненне прытрымлівацца ўсеагульнага жадання далучыцца да нечага новага. Мы выразна ўсведамлялі стваральны патэнцыял гэтай арганізацыі, спадзяваліся на практычную аддачу ў яе рабоце. Спачатку яна стваралася як платформа для ўзаемадзеяння ў сферы бяспекі, але на сённяшні дзень мы разлічваем на некаторыя практычныя кропкі росту", - сказаў Андрэй Лучанок.
У студзені кіраўнік дзяржавы Аляксандр Лукашэнка адобрыў стратэгіі ўдзелу Беларусі ў рабоце ШАС і БРІКС. У гэтых дакументах вызначаюцца задачы і прыярытэтныя напрамкі работы.
Перш за ўсё размова ідзе пра эканоміку. "Сёння з-за дамінавання некаторых краін Захаду ў сусветнай эканоміцы і фінансах шэраг дзяржаў зведвае на сабе мацнейшы санкцыйны націск, абмежаванні ў гандлі. І зразумела, наша цікавасць заключаецца ў выпрацоўцы новай, альтэрнатыўнай фінансавай, інвестыцыйнай плацежнай інфраструктуры. І такая ідэя цяпер абмяркоўваецца і ў ШАС, і ў БРІКС. Паралельна вядзём работу над павелічэннем долі разлікаў у нацыянальных валютах, каб усё менш і менш залежаць ад заходніх валют", - адзначыў пасол па асобых даручэннях МЗС.
Наступны напрамак - лагістыка. Беларусь зацікаўлена ў стварэнні і развіцці ўжо існуючых транспартных калідораў, чыгуначных, сухапутных, марскіх, мультымадальных зносін. "Транспартная ўзаемазвязанасць і пашырэнне лагістычнай прасторы ШАС - гэта тое, дзе мы бачым магчымасці для работы і практычнай аддачы", - падкрэсліў дыпламат.
"Трэцяй тэмай можна вылучыць харчовую бяспеку. Гэта тое, дзе мы маем і вопыт, і кампетэнцыі, і дасягненні, і гатовы дзяліцца тэхналогіямі, - заявіў Андрэй Лучанок. - Намі вылучана некалькі ініцыятыў. Гэта правядзенне выстаўкі "Агра-ШАС" у рамках "Белагра" і стварэнне Міжбіржавога саюза краін ШАС, які дасць магчымасць мець уласныя цэнавыя індыкатары і будзе садзейнічаць больш справядліваму цэнаўтварэнню на біржавыя тавары. Гэта ў інтарэсах усіх дзяржаў - членаў арганізацыі".
Не трэба забываць пра культурна-гуманітарны складнік. "ШАС - гэта ўзаемапавага, мультыкультурнасць. Збліжэнне народаў, умацаванне "шанхайскай сям'і", шанхайскага духу - гэта вельмі важна. Сюды мы можам аднесці сумесныя спартыўныя спаборніцтвы, фестывалі культуры. Думаю, такіх мерапрыемстваў будзе яшчэ шмат", - дадаў пасол па асобых даручэннях МЗС.-0-
Падпісвайцеся на нас у
