Мабільная версія
ДЗЯРЖОРГАНЫ

Апошнія навіны
Усе навіны

Якасць адукацыі ў школах неабходна вывесці на новы ўзровень - Карпенка

Грамадства 21.08.2019 | 13:55
Фота з архіва
Фота з архіва

21 жніўня, Мінск /Кар. БЕЛТА/. Якасць адукацыі ў школах неабходна вывесці на новы ўзровень. Такое меркаванне журналістам выказаў міністр адукацыі Ігар Карпенка перад пачаткам пасяджэння калегіі Міністэрства адукацыі "Аб эфектыўнасці мер па павышэнні якасці агульнай сярэдняй адукацыі" ў Беларускім дзяржаўным педагагічным універсітэце імя Максіма Танка, перадае карэспандэнт БЕЛТА.

"Калі мы гаворым аб павышэнні якасці адукацыі, то тут шмат складнікаў, пачынаючы ад падрыхтоўкі педагагічных кадраў, іх метадычнай дасведчанасці, прафесійнай кампетэнтнасці, завяршаючы ў цэлым арганізацыяй адукацыйнага працэсу ў кожнай канкрэтнай навучальнай установе - як складзены расклад, як рацыянальна выкарыстоўваецца вучэбны час, наколькі правільна ўсё гэта выбудавана, як спалучаюцца абавязковыя заняткі з факультатыўнымі, наколькі настаўнік умее разгарнуць змест адукацыі для таго, каб дзеці лепш засвоілі і набылі адпаведныя кампетэнцыі", - сказаў Ігар Карпенка.

Паводле яго слоў, паэтапнае абнаўленне зместу агульнай сярэдняй адукацыі ажыццяўляецца ў краіне з 2015/2016 навучальнага года. "У выніку якасна абноўлены стандарты, навучальныя планы і праграмы, падручнікі і вучэбна-метадычныя дапаможнікі. І гэта работа будзе прадоўжана", - адзначыў міністр.

Ігар Карпенка нагадаў, што на трэцяй прыступцы агульнай сярэдняй адукацыі ўведзена профільнае навучанне. "З мінулага навучальнага года ў вучняў 8-9-х класаў школ і гімназій з'явілася магчымасць вывучаць навучальныя прадметы на павышаным узроўні. Адначасова ў школах захавалі функцыянаванне базавых 10-х класаў для тых навучэнцаў, хто па выніках паспяховасці не праходзіць для навучання ў профільных класах. Для іх арганізавана прафесійная падрыхтоўка", - падкрэсліў ён.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў