Сцяг Чацвер, 13 чэрвеня 2024
Усе навіны
Усе навіны
Грамадства
30 мая 2024, 11:59

Як у Беларусі ўмацоўваюць прававую культуру дзяцей, расказала эксперт

Фота з архіва
Фота з архіва
30 мая, Мінск /Кар. БЕЛТА/. Якая работа вядзецца па ўмацаванні прававой абароны дзяцінства і фарміраванні прававой культуры грамадства, расказала кансультант упраўлення сацыяльнай, выхаваўчай і ідэалагічнай работы галоўнага ўпраўлення выхаваўчай работы і маладзёжнай палітыкі Міністэрства адукацыі Алеся Саўко на круглым стале ў БЕЛТА "Правы дзяцей: асаблівая абарона і падтрымка дзяржавы".

Паводле яе слоў, у Беларусі ўдзяляецца ўвага павышэнню прававой дасведчанасці дзяцей і бацькоў. Для гэтага, у прыватнасці, вядзецца інфармацыйны рэсурс для дзяцей і падлеткаў па прававой тэматыцы - Дзіцячы прававы сайт (mir.pravo.by).

На нацыянальным адукацыйным партале створаны раздзел "Прававая культура ўдзельнікаў адукацыйнага працэсу". Там размешчаны нарматыўныя прававыя дакументы, а таксама электронны кантэнт па аказанні прававой падтрымкі ўдзельнікам адукацыйнага працэсу.

Як растлумачыла Алеся Саўко, у матэрыялах раздзела асвятляюцца найбольш актуальныя пытанні ў сферы абароны сацыяльных правоў грамадзян, прафілактыкі правапарушэнняў і злачынстваў. Кантэнт арыентаваны на дапамогу ў вырашэнні пытанняў, якія ўзнікаюць у цяжкіх жыццёвых сітуацыях.

Акрамя таго, рэалізуецца інфармацыйна-адукацыйны праект "ШАГ" - "Школа актыўнага грамадзяніна" для V-VII, VIII-XI класаў устаноў агульнай сярэдняй адукацыі.

Арганізаваны адкрыты дыстанцыйны марафон праектаў "Мы дзейнічаем!". На нацыянальным адукацыйным партале ёсць інтэрнэт-пляцоўка, дзе настаўнікі, вучні, усе зацікаўленыя могуць падзяліцца вопытам рэалізацыі сацыяльных праектаў і ініцыятыў, а таксама ўнесці прапановы па ўдзеле ў грамадскім жыцці свайго рэгіёна.-0-
Падпісвайцеся на нас у
Twitter
Топ-навіны
Свежыя навіны Беларусі