Сцяг Серада, 17 красавіка 2024
Усе навіны
Усе навіны
Грамадства
20 лютага 2024, 16:25

Як у Беларусі працуюць стандарты якасці і бяспекі, расказалі эксперты

20 лютага, Мінск /Кар. БЕЛТА/. Першы намеснік старшыні Дзяржаўнага камітэта па стандартызацыі Алена Маргунова ў праекце БЕЛТА "Краіна гаворыць" расказала, як у Беларусі працуюць стандарты якасці і бяспекі.

Паводле слоў Алены Маргуновай, беларуская прадукцыя можа канкурыраваць і лідзіраваць на сусветных рынках, таму што ў ёй спалучаюцца нацыянальныя традыцыі, якасць і бяспека. Усё гэта кантралюецца і прасочваецца на розных этапах вытворчасці і рэалізацыі. Абавязковымі для выканання з’яўляюцца патрабаванні тэхнічных рэгламентаў ЕАЭС або Беларусі. Дзяржаўныя стандарты ў сваёй большасці - добраахвотныя. Але, калі вытворца ўключае нават нейкі пэўны абзац стандарту ў сваю дакументацыю або пазначае адпаведнасць яму ў маркіроўцы, то ён абавязвае сябе выконваць яго патрабаванні.

"Вытворца можа выпускаць прадукцыю канкрэтна па стандартах, дакладна выконваючы ўсе патрабаванні, а можа распрацаваць тэхнічныя ўмовы, напрыклад, на новую прадукцыю, дзе патрабаванні могуць адрознівацца", - расказала Алена Маргунова.

Тэхнічныя ўмовы вытворца распрацоўвае пад сваю адказнасць. Пры жаданні можна правесці іх добраахвотную праверку, напрыклад, у Беларускім дзяржаўным інстытуце стандартызацыі і сертыфікацыі. Але працэдура дзяржаўнай рэгістрацыі гэтых дакументаў экспертызу не ўключае. Абавязковым патрабаваннем да стварэння новых рэцэптур або тэхналогій з’яўляецца выкананне патрабаванняў бяспекі, устаноўленых у тэхнічных рэгламентах Еўразійскага эканамічнага саюза.

Распрацоўваючы свае тэхумовы, беларускія вытворцы нячаста рызыкуюць не апраўдаць даверу спажыўцоў. У цэлым, для выяўлення небяспечнай і няякаснай прадукцыі працуюць наглядныя органы, у ліку якіх і інспекцыі Дзяржстандарту. Яны праводзяць праверкі і маніторынгі, у тым ліку пазапланавыя. Пры выяўленні парушэнняў патрабаванняў бяспекі або якасці такая прадукцыя можа быць знята з паліц магазіна, а таксама з вытворчасці. "Наглядныя мерапрыемствы разнапланавыя. Правяраецца ў першую чаргу бяспека прадукцыі. Таксама правяраецца адпаведнасць інфармацыі на маркіроўцы тавару, каб не дапусціць увядзення спажыўцоў у зман. Адабраная прадукцыя выпрабоўваецца ў акрэдытаваных лабараторыях, і на падставе пратаколаў выпрабаванняў вызначаецца яе бяспека і адпаведнасць", - адзначыла Алена Маргунова.

Дзяржстандарт таксама актыўна працуе са зваротамі насельніцтва і рэагуе на кожны з іх.

"Наглядныя органы праводзяць праверку прадукцыі па зваротах у выпадку сапраўды абгрунтаваных і масавых прэтэнзій. Напрыклад, ёсць нейкія пацверджаныя прэтэнзіі да напіткаў. Тады наглядныя органы забіраюць іх з гандлёвых сетак і па выніках выпрабаванняў робяць выснову аб неабходнасці забароны гэтага наймення прадукцыі", - растлумачыла Алена Маргунова.-0-  

*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
Twitter
Топ-навіны
Свежыя навіны Беларусі