Фота з архіва
7 жніўня, Мінск /Кар. БЕЛТА/. Школы Мінска і Мінскай вобласці гатовы да такой навацыі, як абмежаванне выкарыстання мабільных тэлефонаў вучнямі, расказалі эксперты ў прэс-цэнтры БЕЛТА.
"Калі гаварыць пра школы горада Мінска, то так, усе ўстановы агульнай сярэдняй адукацыі ў нас гатовы да гэтага новаўвядзення. Яны абсталяваны адпаведнымі ячэйкамі, якія будуць зачыняцца для таго, каб захаваць мабільныя тэлефоны", - сказаў намеснік старшыні Камітэта па адукацыі Мінскага гарадскога выканаўчага камітэта Глеб Лаўрыновіч.
Паводле яго слоў, вядзецца работы з педагагічнымі работнікамі па механізме арганізацыі захоўвання і выдачы мабільных тэлефонаў.
Тое ж датычыцца і ўстаноў адукацыі Мінскай вобласці, дадаў намеснік начальніка галоўнага ўпраўлення па адукацыі Мінскага абласнога выканаўчага камітэта Юрый Ларычаў. "Вясной былі праведзены бацькоўскія сходы, вызначаны месцы захоўвання, адказныя асобы. Будзе відэанагляд і гэтак далей", - падкрэсліў ён.
Як адзначыў Юрый Ларычаў, недзе ў пачатковых класах тэлефоны будуць захоўвацца непасрэдна ў кабінетах, дзе вучацца маленькія дзеці. Што датычыцца астатніх класаў, вучні будуць забяспечаны ячэйкамі пад ключ, з вызначэннем адказных асоб.
Глеб Лаўрыновіч у сваю чаргу звярнуў увагу, што навацыя датычыцца ўсіх гаджэтаў, не толькі тэлефонаў. Ён выказаў надзею, што бацькоўская грамадскасць правільна ўспрыме новаўвядзенне і дадатковых складанасцей для ўстаноў адукацыі ў гэтым пытанні ўзнікаць не будзе.
Размова дзіцяці з бацькамі ў выпадку неабходнасці будзе забяспечана праз класнага кіраўніка, дзяжурнага адміністратара ўстановы адукацыі або адміністрацыю школы.-0-
"Калі гаварыць пра школы горада Мінска, то так, усе ўстановы агульнай сярэдняй адукацыі ў нас гатовы да гэтага новаўвядзення. Яны абсталяваны адпаведнымі ячэйкамі, якія будуць зачыняцца для таго, каб захаваць мабільныя тэлефоны", - сказаў намеснік старшыні Камітэта па адукацыі Мінскага гарадскога выканаўчага камітэта Глеб Лаўрыновіч.
Паводле яго слоў, вядзецца работы з педагагічнымі работнікамі па механізме арганізацыі захоўвання і выдачы мабільных тэлефонаў.
Тое ж датычыцца і ўстаноў адукацыі Мінскай вобласці, дадаў намеснік начальніка галоўнага ўпраўлення па адукацыі Мінскага абласнога выканаўчага камітэта Юрый Ларычаў. "Вясной былі праведзены бацькоўскія сходы, вызначаны месцы захоўвання, адказныя асобы. Будзе відэанагляд і гэтак далей", - падкрэсліў ён.
Як адзначыў Юрый Ларычаў, недзе ў пачатковых класах тэлефоны будуць захоўвацца непасрэдна ў кабінетах, дзе вучацца маленькія дзеці. Што датычыцца астатніх класаў, вучні будуць забяспечаны ячэйкамі пад ключ, з вызначэннем адказных асоб.
Глеб Лаўрыновіч у сваю чаргу звярнуў увагу, што навацыя датычыцца ўсіх гаджэтаў, не толькі тэлефонаў. Ён выказаў надзею, што бацькоўская грамадскасць правільна ўспрыме новаўвядзенне і дадатковых складанасцей для ўстаноў адукацыі ў гэтым пытанні ўзнікаць не будзе.
Размова дзіцяці з бацькамі ў выпадку неабходнасці будзе забяспечана праз класнага кіраўніка, дзяжурнага адміністратара ўстановы адукацыі або адміністрацыю школы.-0-
Падпісвайцеся на нас у
