Фота з архіва
10 лютага, Мінск /Кар. БЕЛТА/. Як арганізавана нарыхтоўка другасных матэрыяльных рэсурсаў, расказала на прэс-канферэнцыі намеснік старшыні праўлення Белкаапсаюза Аксана Скіндэр, перадае карэспандэнт БЕЛТА.
У рэспубліцы выбудаваны сістэмны падыход да збору другаснай сыравіны. У рэгіёнах працуюць 788 прыёманарыхтоўчых пунктаў. Значная частка з іх - стацыянарныя. Акрамя таго, ёсць 54 перасовачныя пункты, якія выязджаюць па вызначаных маршрутах і графіку. Жыхароў інфармуюць аб магчымасцях раздзельнага збору. На сайце Белкаапсаюза, а таксама сайтах буйных нарыхтоўчых арганізацый, у аўтакрамах размешчана інфармацыя аб дзеючых закупачных цэнах, месцах здачы другасных матэрыяльных рэсурсаў, кантактных тэлефонах.
За зімовы перыяд арганізацыі спажывецкай кааперацыі закупляюць у насельніцтва 75-80 тыс. т другаснай сыравіны.
У 2025 годзе Белкаапсаюз закупіў у насельніцтва 367 тыс. т другаснай сыравіны на 210 млн бел. руб.: 294 тыс. т лому чорных металаў, 7,3 тыс. т лому каляровых металаў, 35 тыс. т макулатуры, 26 тыс. т шкла, 3,1 тыс. т палімерных адходаў, 440 т адходаў электроннага і электрычнага абсталявання, амаль 800 т зношаных шын, 350 т адпрацаванага масла, 750 т тэкстыльных матэрыялаў.
"Штогод павялічваем аб'ёмы нарыхтоўкі другасных матэрыяльных рэсурсаў - калі браць 2025 у адносінах да 2009-га, то рост у 1,8 раза. Тэмп росту нарыхтоўкі лому чорных металаў - у 2,1 раза, лому каляровых металаў - больш як у 5 разоў, палімерных адходаў - у 1,6 раза, шклабою - у 3 разы, зношаных шын - у 2,4 раза", - расказала Аксана Скіндэр.
Сабраныя другасрэсурсы адпраўляюцца прадпрыемствам канцэрна "Беллеспаперапрам", шклозаводам, арганізацыям па перапрацоўцы поліэтылену, адпрацаваных шын, электроннага і электрычнага абсталявання. Арганізацыі спажывецкай кааперацыі развіваюць матэрыяльную базу для павелічэння аб'ёмаў збору і нарыхтоўкі другасных матэрыяльных рэсурсаў, закупляюць спецыяльную тэхніку і абсталяванне.
Начальнік упраўлення нарыхтовак і знешнеэканамічнай дзейнасці "Белкаапсаюза" Аляксей Сіроцін дадаў, што па ўсіх відах другасных матэрыяльных рэсурсаў у спажыўкааперацыі заключаны дагаворы з перапрацоўчымі прадпрыемствамі, у якіх загадзя вызначаны ўмовы дастаўкі сыравіны. Транспарціроўка можа выконвацца альбо транспартам "Белкаапсаюза" з кампенсацыяй затрат, альбо транспартам самога перапрацоўшчыка. Напрыклад, па ломе чорных металаў дзейнічаюць дзве цаны - з дастаўкай і на ўмовах самавывазу. Аналагічны падыход прымяняецца і па іншых відах сыравіны.-0-
У рэспубліцы выбудаваны сістэмны падыход да збору другаснай сыравіны. У рэгіёнах працуюць 788 прыёманарыхтоўчых пунктаў. Значная частка з іх - стацыянарныя. Акрамя таго, ёсць 54 перасовачныя пункты, якія выязджаюць па вызначаных маршрутах і графіку. Жыхароў інфармуюць аб магчымасцях раздзельнага збору. На сайце Белкаапсаюза, а таксама сайтах буйных нарыхтоўчых арганізацый, у аўтакрамах размешчана інфармацыя аб дзеючых закупачных цэнах, месцах здачы другасных матэрыяльных рэсурсаў, кантактных тэлефонах.
За зімовы перыяд арганізацыі спажывецкай кааперацыі закупляюць у насельніцтва 75-80 тыс. т другаснай сыравіны.
У 2025 годзе Белкаапсаюз закупіў у насельніцтва 367 тыс. т другаснай сыравіны на 210 млн бел. руб.: 294 тыс. т лому чорных металаў, 7,3 тыс. т лому каляровых металаў, 35 тыс. т макулатуры, 26 тыс. т шкла, 3,1 тыс. т палімерных адходаў, 440 т адходаў электроннага і электрычнага абсталявання, амаль 800 т зношаных шын, 350 т адпрацаванага масла, 750 т тэкстыльных матэрыялаў.
"Штогод павялічваем аб'ёмы нарыхтоўкі другасных матэрыяльных рэсурсаў - калі браць 2025 у адносінах да 2009-га, то рост у 1,8 раза. Тэмп росту нарыхтоўкі лому чорных металаў - у 2,1 раза, лому каляровых металаў - больш як у 5 разоў, палімерных адходаў - у 1,6 раза, шклабою - у 3 разы, зношаных шын - у 2,4 раза", - расказала Аксана Скіндэр.
Сабраныя другасрэсурсы адпраўляюцца прадпрыемствам канцэрна "Беллеспаперапрам", шклозаводам, арганізацыям па перапрацоўцы поліэтылену, адпрацаваных шын, электроннага і электрычнага абсталявання. Арганізацыі спажывецкай кааперацыі развіваюць матэрыяльную базу для павелічэння аб'ёмаў збору і нарыхтоўкі другасных матэрыяльных рэсурсаў, закупляюць спецыяльную тэхніку і абсталяванне.
Начальнік упраўлення нарыхтовак і знешнеэканамічнай дзейнасці "Белкаапсаюза" Аляксей Сіроцін дадаў, што па ўсіх відах другасных матэрыяльных рэсурсаў у спажыўкааперацыі заключаны дагаворы з перапрацоўчымі прадпрыемствамі, у якіх загадзя вызначаны ўмовы дастаўкі сыравіны. Транспарціроўка можа выконвацца альбо транспартам "Белкаапсаюза" з кампенсацыяй затрат, альбо транспартам самога перапрацоўшчыка. Напрыклад, па ломе чорных металаў дзейнічаюць дзве цаны - з дастаўкай і на ўмовах самавывазу. Аналагічны падыход прымяняецца і па іншых відах сыравіны.-0-
Падпісвайцеся на нас у
