1 верасня, Івацэвічы /Кар. БЕЛТА/. У Івацэвічах урачыста перадалі эстафету Дня беларускага пісьменства гораду Ліда Гродзенскай вобласці, перадае карэспандэнт БЕЛТА.
"Для Івацэвіч гэтыя два дні былі яркімі, насычанымі і незабыўнымі. Гэта свята аб'яднала нас павагай да такіх простых адвечных сімвалаў духоўнасці, як кніга і слова. І гэту павагу мы павінны перадаць нашчадкам", - адзначыў "гаспадар" ХХХІ Дня беларускага пісьменства - старшыня Івацэвіцкага райвыканкама Уладзімір Бялоў. Ён выказаў упэўненасць, што ў жыхароў раёна надоўга застануцца ўспаміны аб свяце асветы. "Мы прадставілі ва ўсёй разнастайнасці культуру, самабытнасць Івацэвіцкага краю і першага рэгіёна ў цэлым", - падкрэсліў Уладзімір Бялоў.
Па традыцыі ён перадаў эстафету гораду, які стане наступнай сталіцай Дня беларускага пісьменства. Старшыня Івацэвіцкага райвыканкама уручыў вымпел і пераходны прыз свайму калегу з Ліды.
"Вельмі прыемна знаходзіцца на брэсцкай зямлі, у цудоўным горадзе Івацэвічы. Хачу вас павіншаваць з паспяховым правядзеннем такога грандыёзнага рэспубліканскага свята. Прыемна праязджаць па вашых вуліцах, якія папрыгажэлі, - адзначыў старшыня Лідскага райвыканкама Сяргей Ложачнік. - Літаральна заўтра мы пачынаем ужо рыхтавацца да свята ў наступным годзе. Я вас усіх запрашаю, прыязджайце і паглядзіце наш старажытны горад Ліда, вельмі прыгожы, цікавы, з багатай гісторыяй".
Свята асветы Івацэвічы прымаюць 31 жніўня і 1 верасня. Асноўныя лакацыі разгарнуліся ў цэнтральнай частцы горада. Гасцям прадставілася магчымасць азнаёміцца з экспазіцыямі выдавецтваў, СМІ, музеяў, бібліятэк. Арганізавана мноства інтэрактыўна-забаўляльных пляцовак, працуюць гандлёвыя рады, можна набыць вырабы рамеснікаў. На галоўнай сцэне ўшаноўвалі лаўрэатаў Нацыянальнай літаратурнай прэміі і пераможцаў конкурсу "Хвала рукам, што пахнуць хлебам".
Да ХХХІ Дня беларускага пісьменства Івацэвічы расквітнелі, былі адрамантаваны інфраструктурныя аб'екты, дамы. Яшчэ адным падарункам стала адкрыццё ў цэнтральнай раённай бальніцы кабінета камп'ютарнай тамаграфіі. На памяць у горадзе застануцца арт-аб'екты - "Лунаючыя кнігі" і "Дзеці лясной школы".-0-
"Для Івацэвіч гэтыя два дні былі яркімі, насычанымі і незабыўнымі. Гэта свята аб'яднала нас павагай да такіх простых адвечных сімвалаў духоўнасці, як кніга і слова. І гэту павагу мы павінны перадаць нашчадкам", - адзначыў "гаспадар" ХХХІ Дня беларускага пісьменства - старшыня Івацэвіцкага райвыканкама Уладзімір Бялоў. Ён выказаў упэўненасць, што ў жыхароў раёна надоўга застануцца ўспаміны аб свяце асветы. "Мы прадставілі ва ўсёй разнастайнасці культуру, самабытнасць Івацэвіцкага краю і першага рэгіёна ў цэлым", - падкрэсліў Уладзімір Бялоў.
Па традыцыі ён перадаў эстафету гораду, які стане наступнай сталіцай Дня беларускага пісьменства. Старшыня Івацэвіцкага райвыканкама уручыў вымпел і пераходны прыз свайму калегу з Ліды.
"Вельмі прыемна знаходзіцца на брэсцкай зямлі, у цудоўным горадзе Івацэвічы. Хачу вас павіншаваць з паспяховым правядзеннем такога грандыёзнага рэспубліканскага свята. Прыемна праязджаць па вашых вуліцах, якія папрыгажэлі, - адзначыў старшыня Лідскага райвыканкама Сяргей Ложачнік. - Літаральна заўтра мы пачынаем ужо рыхтавацца да свята ў наступным годзе. Я вас усіх запрашаю, прыязджайце і паглядзіце наш старажытны горад Ліда, вельмі прыгожы, цікавы, з багатай гісторыяй".
Свята асветы Івацэвічы прымаюць 31 жніўня і 1 верасня. Асноўныя лакацыі разгарнуліся ў цэнтральнай частцы горада. Гасцям прадставілася магчымасць азнаёміцца з экспазіцыямі выдавецтваў, СМІ, музеяў, бібліятэк. Арганізавана мноства інтэрактыўна-забаўляльных пляцовак, працуюць гандлёвыя рады, можна набыць вырабы рамеснікаў. На галоўнай сцэне ўшаноўвалі лаўрэатаў Нацыянальнай літаратурнай прэміі і пераможцаў конкурсу "Хвала рукам, што пахнуць хлебам".
Да ХХХІ Дня беларускага пісьменства Івацэвічы расквітнелі, былі адрамантаваны інфраструктурныя аб'екты, дамы. Яшчэ адным падарункам стала адкрыццё ў цэнтральнай раённай бальніцы кабінета камп'ютарнай тамаграфіі. На памяць у горадзе застануцца арт-аб'екты - "Лунаючыя кнігі" і "Дзеці лясной школы".-0-
Падпісвайцеся на нас у
