![](https://blr.belta.by/images/storage/news/with_archive/2024/000022_1716826719_131754_big.jpg)
27 мая, Мінск /Кар. БЕЛТА/. Усе змяненні ў правядзенні ЦЭ і ЦТ накіраваны на зніжэнне нагрузкі на выпускнікоў і стварэнне для іх камфортных умоў. Аб гэтым журналістам паведаміў міністр адукацыі Андрэй Іванец, перадае карэспандэнт БЕЛТА.
![](https://img.belta.by/uploads/files/Gom-TsE-1_24.JPG)
"У мінулым годзе мы ўпершыню правялі цэнтралізаваны экзамен, гэта быў новы вопыт падагульняючай атэстацыі для адзінаццацікласнікаў нашай краіны. Безумоўна, мы яго вельмі грунтоўна прааналізавалі. Галоўная навацыя гэтага года заключаецца ў тым, што цэнтралізаваны экзамен сумешчаны з цэнтралізаваным тэсціраваннем. Гэта вельмі важны і прынцыповы аспект, таму што ён забяспечвае абсалютна адзіныя, роўныя і справядлівыя ўмовы для выпускнікоў як мінулых гадоў, якія паступаюць сёлета ва ўніверсітэт, так і для выпускнікоў 11-х класаў, якія адначасова здаюць як падагульняючы іспыт у выглядзе цэнтралізаванага экзамену, так і могуць выкарыстаць гэты сертыфікат пры паступленні ва ўніверсітэт. Другое адрозненне - гэта тое, што мы праводзім іспыты не ў выхадны, а ў будны дзень. Гэта істотна спрашчае работу арганізацыйнага характару, таму што, як вы ведаеце, для правядзення цэнтралізаванага экзамену, цэнтралізаванага тэсціравання было задзейнічана больш за 9 тыс. педагагічных работнікаў. Для іх, для настаўнікаў, якія суправаджаюць выпускнікоў у пункты правядзення ЦЭ, і для саміх выпускнікоў праводзіць падагульняючую атэстацыю ў будны дзень найбольш зручна. Трэцяя навацыя - гэта тое, што мы праводзім цэнтралізаваны экзамен пасля апошняга званка. У мінулым годзе ЦЭ адбыўся фактычна ў сярэдзіне мая - за два тыдні да заканчэння навучальнага года. У бягучым годзе ў суботу, 25 мая, празвінелі апошнія званкі ва ўсіх школах і хлопцы і дзяўчаты, ужо ў поўным аб'ёме засвоіўшы праграму, спакойна прыехалі сёння здаваць экзамен", - расказаў Андрэй Іванец.
Паводле слоў міністра, пад увагу бяруцца і інтарэсы бацькоў. "Мы глядзім на нашых выпускнікоў і прымаем усе неабходныя меры для таго, каб знізіць на іх нагрузку, стварыць ім неабходныя камфортныя ўмовы, і таксама ўлічваем пажаданні нашых педагогаў і бацькоў. Таму ўсё накіравана на тое, каб стварыць адзіныя, роўныя і камфортныя ўмовы для нашых выпускнікоў", - падкрэсліў кіраўнік адукацыйнага ведамства.-0-
"У мінулым годзе мы ўпершыню правялі цэнтралізаваны экзамен, гэта быў новы вопыт падагульняючай атэстацыі для адзінаццацікласнікаў нашай краіны. Безумоўна, мы яго вельмі грунтоўна прааналізавалі. Галоўная навацыя гэтага года заключаецца ў тым, што цэнтралізаваны экзамен сумешчаны з цэнтралізаваным тэсціраваннем. Гэта вельмі важны і прынцыповы аспект, таму што ён забяспечвае абсалютна адзіныя, роўныя і справядлівыя ўмовы для выпускнікоў як мінулых гадоў, якія паступаюць сёлета ва ўніверсітэт, так і для выпускнікоў 11-х класаў, якія адначасова здаюць як падагульняючы іспыт у выглядзе цэнтралізаванага экзамену, так і могуць выкарыстаць гэты сертыфікат пры паступленні ва ўніверсітэт. Другое адрозненне - гэта тое, што мы праводзім іспыты не ў выхадны, а ў будны дзень. Гэта істотна спрашчае работу арганізацыйнага характару, таму што, як вы ведаеце, для правядзення цэнтралізаванага экзамену, цэнтралізаванага тэсціравання было задзейнічана больш за 9 тыс. педагагічных работнікаў. Для іх, для настаўнікаў, якія суправаджаюць выпускнікоў у пункты правядзення ЦЭ, і для саміх выпускнікоў праводзіць падагульняючую атэстацыю ў будны дзень найбольш зручна. Трэцяя навацыя - гэта тое, што мы праводзім цэнтралізаваны экзамен пасля апошняга званка. У мінулым годзе ЦЭ адбыўся фактычна ў сярэдзіне мая - за два тыдні да заканчэння навучальнага года. У бягучым годзе ў суботу, 25 мая, празвінелі апошнія званкі ва ўсіх школах і хлопцы і дзяўчаты, ужо ў поўным аб'ёме засвоіўшы праграму, спакойна прыехалі сёння здаваць экзамен", - расказаў Андрэй Іванец.
Паводле слоў міністра, пад увагу бяруцца і інтарэсы бацькоў. "Мы глядзім на нашых выпускнікоў і прымаем усе неабходныя меры для таго, каб знізіць на іх нагрузку, стварыць ім неабходныя камфортныя ўмовы, і таксама ўлічваем пажаданні нашых педагогаў і бацькоў. Таму ўсё накіравана на тое, каб стварыць адзіныя, роўныя і камфортныя ўмовы для нашых выпускнікоў", - падкрэсліў кіраўнік адукацыйнага ведамства.-0-