Фота Міністэрства адукацыі
6 лістапада, Мінск /Кар. БЕЛТА/ Мы зрабілі сур'ёзны крок у развіцці адукацыі ў краіне і нашага чалавечага капіталу. Аб гэтым заявіў міністр адукацыі Андрэй Іванец у час урачыстага адкрыцця эксклюзіўнага музейнага праекта "Адукацыя ў Беларусі: вытокі, гісторыя, сучаснасць", перадае карэспандэнт БЕЛТА.
Экспазіцыя прысвечана 105-годдзю органаў дзяржаўнага кіравання сістэмай адукацыі Беларусі і 30-годдзю інстытута Прэзідэнцтва. "Пры стварэнні экспазіцыі мы хацелі паказаць, што нам ёсць чым ганарыцца - у нас ёсць шматвяковая гісторыя сістэмы асветы, сістэмы адукацыі на беларускіх землях. Яшчэ больш важным было паказаць тое, што мы за гэты гістарычна невялікі прамежак часу - 30-годдзе незалежнасці нашай краіны і прэзідэнцтва - змаглі не проста абаперціся на існуючы фундамент, але змаглі зрабіць сур'ёзны крок у развіцці адукацыі ў нашай краіне, у развіцці нашага чалавечага капіталу", - сказаў Андрэй Іванец.
Ён адзначыў, што Беларусь захавала сацыяльна накіраваную сістэму. "Вельмі многія краіны нам зайздросцяць. Мы захавалі бясплатныя ўстановы дашкольнай адукацыі, і сёння імкнёмся да поўнага ахопу адукацыяй дашкалят. Мы вельмі сур'ёзна развіваем агульную сярэднюю адукацыю, абапіраючыся на традыцыі савецкай школы. І мы бачым, наколькі рэзультатыўныя нашы дзеці на розных міжнародных конкурсах і алімпіядах. Гэта наша гордасць. Мы захавалі сістэму прафесійнай адукацыі і гаворым аб тым, што падрыхтоўка рабочых кадраў, спецыялістаў сярэдняга звяна з'яўляецца адным з ключавых элементаў развіцця эканомікі краіны і кадравага забеспячэння. Безумоўна вышэйшая школа - гэта лакаматыў любой сістэмы адукацыі. І тая ўвага, якая ўдзяляецца Прэзідэнтам вышэйшай школе, вядома, заслугоўвае ўдзячнасці з нашага боку", - падкрэсліў кіраўнік адукацыйнага ведамства.
Паводле слоў міністра, адным з актуальных момантаў цяпер з'яўляецца падтрымка дзяцей з асаблівымі адукацыйнымі патрэбнасцямі. "Спецыяльная адукацыя інтэгравана абсалютна ва ўсе ўзроўні адукацыі. Ніхто не забыты. І ўсе дзеці, у якіх ёсць асаблівыя адукацыйныя патрэбнасці, маюць магчымасць атрымаць адукацыю, сацыялізавацца ў грамадства і атрымаць фактычна пуцёўку ў жыццё. Акрамя таго, мы не можам забыць аб адораных і таленавітых дзецях. А гэта ўжо сістэма дадатковай адукацыі дзяцей і моладзі. Яна вельмі развіта ў нашай краіне і ахоплівае кожны рэгіён, кожны малы населены пункт, раённыя, абласныя цэнтры, Мінск. Таму ў гэты знамянальны год 105-годдзя сістэмы адукацыі, сістэмы органаў дзяржаўнага кіравання адукацыяй, 30-годдзя прэзідэнцтва ў нашай краіне і напярэдадні 7 лістапада мы хацелі зрабіць невялікі падарунак усім нашым супрацоўнікам. Мы разлічваем, што гэту экспазіцыю будуць наведваць і педагогі, і моладзь: школьнікі, студэнты. У мінулым годзе мы з выдавецтвам "Адукацыя і выхаванне" выдалі "Образование в Беларуси". Выданне стала фактычна асновай стварэння гэтай экспазіцыі, дзякуючы якой можна даведацца шмат новых цікавых фактаў і лічбаў аб развіцці сістэмы адукацыі краіны", - дадаў Андрэй Іванец.
Работы, якія ўвайшлі ў экспазіцыю, прадстаўляюць слаўную гісторыю педагогікі Беларусі, знакавыя асобы ў сферы асветы, навучальныя ўстановы, станаўленне і развіццё нацыянальнай сістэмы адукацыі. У прадстаўленых матэрыялах раскрыты асноўныя дасягненні сучаснай беларускай мадэлі адукацыі, галоўныя падзеі і асабісты ўклад Прэзідэнта Беларусі Аляксандра Лукашэнкі ў стварэнне дзяржаваўтваральнай галіны краіны, адлюстравана яе ідэйная накіраванасць. Экспазіцыя прысвечана настаўнікам, выкладчыкам, асветнікам Беларусі і адрасавана ўсім, хто цікавіцца гісторыяй і развіццём беларускай адукацыі і асветы.-0-
Экспазіцыя прысвечана 105-годдзю органаў дзяржаўнага кіравання сістэмай адукацыі Беларусі і 30-годдзю інстытута Прэзідэнцтва. "Пры стварэнні экспазіцыі мы хацелі паказаць, што нам ёсць чым ганарыцца - у нас ёсць шматвяковая гісторыя сістэмы асветы, сістэмы адукацыі на беларускіх землях. Яшчэ больш важным было паказаць тое, што мы за гэты гістарычна невялікі прамежак часу - 30-годдзе незалежнасці нашай краіны і прэзідэнцтва - змаглі не проста абаперціся на існуючы фундамент, але змаглі зрабіць сур'ёзны крок у развіцці адукацыі ў нашай краіне, у развіцці нашага чалавечага капіталу", - сказаў Андрэй Іванец.
Ён адзначыў, што Беларусь захавала сацыяльна накіраваную сістэму. "Вельмі многія краіны нам зайздросцяць. Мы захавалі бясплатныя ўстановы дашкольнай адукацыі, і сёння імкнёмся да поўнага ахопу адукацыяй дашкалят. Мы вельмі сур'ёзна развіваем агульную сярэднюю адукацыю, абапіраючыся на традыцыі савецкай школы. І мы бачым, наколькі рэзультатыўныя нашы дзеці на розных міжнародных конкурсах і алімпіядах. Гэта наша гордасць. Мы захавалі сістэму прафесійнай адукацыі і гаворым аб тым, што падрыхтоўка рабочых кадраў, спецыялістаў сярэдняга звяна з'яўляецца адным з ключавых элементаў развіцця эканомікі краіны і кадравага забеспячэння. Безумоўна вышэйшая школа - гэта лакаматыў любой сістэмы адукацыі. І тая ўвага, якая ўдзяляецца Прэзідэнтам вышэйшай школе, вядома, заслугоўвае ўдзячнасці з нашага боку", - падкрэсліў кіраўнік адукацыйнага ведамства.
Паводле слоў міністра, адным з актуальных момантаў цяпер з'яўляецца падтрымка дзяцей з асаблівымі адукацыйнымі патрэбнасцямі. "Спецыяльная адукацыя інтэгравана абсалютна ва ўсе ўзроўні адукацыі. Ніхто не забыты. І ўсе дзеці, у якіх ёсць асаблівыя адукацыйныя патрэбнасці, маюць магчымасць атрымаць адукацыю, сацыялізавацца ў грамадства і атрымаць фактычна пуцёўку ў жыццё. Акрамя таго, мы не можам забыць аб адораных і таленавітых дзецях. А гэта ўжо сістэма дадатковай адукацыі дзяцей і моладзі. Яна вельмі развіта ў нашай краіне і ахоплівае кожны рэгіён, кожны малы населены пункт, раённыя, абласныя цэнтры, Мінск. Таму ў гэты знамянальны год 105-годдзя сістэмы адукацыі, сістэмы органаў дзяржаўнага кіравання адукацыяй, 30-годдзя прэзідэнцтва ў нашай краіне і напярэдадні 7 лістапада мы хацелі зрабіць невялікі падарунак усім нашым супрацоўнікам. Мы разлічваем, што гэту экспазіцыю будуць наведваць і педагогі, і моладзь: школьнікі, студэнты. У мінулым годзе мы з выдавецтвам "Адукацыя і выхаванне" выдалі "Образование в Беларуси". Выданне стала фактычна асновай стварэння гэтай экспазіцыі, дзякуючы якой можна даведацца шмат новых цікавых фактаў і лічбаў аб развіцці сістэмы адукацыі краіны", - дадаў Андрэй Іванец.
Работы, якія ўвайшлі ў экспазіцыю, прадстаўляюць слаўную гісторыю педагогікі Беларусі, знакавыя асобы ў сферы асветы, навучальныя ўстановы, станаўленне і развіццё нацыянальнай сістэмы адукацыі. У прадстаўленых матэрыялах раскрыты асноўныя дасягненні сучаснай беларускай мадэлі адукацыі, галоўныя падзеі і асабісты ўклад Прэзідэнта Беларусі Аляксандра Лукашэнкі ў стварэнне дзяржаваўтваральнай галіны краіны, адлюстравана яе ідэйная накіраванасць. Экспазіцыя прысвечана настаўнікам, выкладчыкам, асветнікам Беларусі і адрасавана ўсім, хто цікавіцца гісторыяй і развіццём беларускай адукацыі і асветы.-0-
Падпісвайцеся на нас у
