24 чэрвеня, Мінск /Кар. БЕЛТА/. Беларусь - унікальная краіна, якая захавала бясплатную дашкольную адукацыю. Аб гэтым заявіў журналістам міністр адукацыі Андрэй Іванец, перадае карэспандэнт БЕЛТА.
"У Беларусі, безумоўна, удзяляецца вялікая ўвага сістэме адукацыі. Вядома, гэта адлюстроўваецца і на тым фінансаванні, якое ідзе з рэспубліканскага і мясцовых бюджэтаў на сферу адукацыі. Хацеў бы адзначыць, што нягледзячы на беспрэцэдэнтны санкцыйны націск калектыўнага Захаду, дзяржава выконвае ўсе свае абавязацельствы перад усімі ўзроўнямі адукацыі. Таму хацеў бы запэўніць: усе нашы грамадзяне могуць быць абсалютна спакойныя, у нас дастойная адукацыя. І адпаведна будзе забяспечаны дастойны ўзровень атрымання яе нашымі дзецьмі", - сказаў Андрэй Іванец.
Міністр падкрэсліў: Беларусь з'яўляецца ўнікальнай краінай, якая захавала бясплатную дашкольную адукацыю. "Гэта вельмі важны аспект, таму мы цудоўна разумеем, што сацыялізацыя нашых маленькіх дзяцей перад прыходам у школу з'яўляецца важнейшым этапам. Менавіта таму сёння мы забяспечваем 100-працэнтны ахоп дзяцей ва ўзросце 5-6 гадоў перадшкольнай падрыхтоўкай і ахоп 88,5 працэнта дзяцей установамі дашкольнай адукацыі. Вядома, мы імкнёмся гэту лічбу павышаць, таму што кожны малады грамадзянін нашай краіны павінен мець магчымасць прайсці адпаведную і адукацыйную, і выхаваўчую праграму ў дзіцячых садах", - дапоўніў ён.-0-