Мабільная версія
ДЗЯРЖОРГАНЫ

Апошнія навіны
Усе навіны

Інцыдэнт у школе Гомеля і рэакцыя на яго - урок усім чыноўнікам

Грамадства 23.09.2019 | 11:11
Скрыншот з відэа
Скрыншот з відэа

23 верасня, Мінск /Кар. БЕЛТА/. Інцыдэнт у адной са школ Гомеля і рэакцыя на яго - урок усім чыноўнікам і сігнал да таго, што трэба эфектыўна працаваць. Такое меркаванне прагучала ў эфіры тэлеканала "Беларусь 1", паведамляе БЕЛТА.

"Уся гэта гісторыя, калі абагульніць, то ў цэлым - аб чалавечым стаўленні да кожнага і ў кожнай галіне, без фармалізму і рашэнні для птушачкі. А менавіта ж за гэта - за абыякавасць - такія строгія і гучныя рашэнні і былі прыняты. Гісторыя гэта вельмі паказальная - вось так, за гадзіну, не разабраўшыся, можна лёгка зламаць жыццё чалавеку. У Беларусі не будзе так. Паколькі справядлівасць і чалавечае стаўленне да людзей у нас не на словах. І фактычна гэта ўрок усім чыноўнікам - трэба працаваць і думаць аб выніках ад кожнага свайго рашэння", - адзначылі ў эфіры праграмы.

У вялікім сюжэце на тэму інцыдэнту ў адной з гомельскіх школ былі прадэманстраваны каментарыі інтэрнэт-карыстальнікаў. "Некалькі дзён гэту тэму бурна абмяркоўвае і інтэрнэт. Кожная навіна, звязаная з гомельскай гісторыяй, набірае сотні каментарыяў. Рашэнне Прэзідэнта - строгае і катэгарычнае - абсалютная большасць лічыць справядлівым", - прагучала ў тэлеэфіры.

"Кіраўнік дзяржавы зрабіў сапраўды высакародны ўчынак, ён мае ўсе правы на гэта, і зрабіў справядліва і ў адпаведнасці з законам. У гэтым выпадку ўчынак Прэзідэнта ўцёр нос усім ад малога да вялікага", - цытуецца на тэлеканале адзін з каментатараў.

Як адзначаецца ў рэпартажы, напярэдадні старту навучальнага года міністр адукацыі ўпэўнена дакладваў аб гатоўнасці да навучальнага сезона. Ігар Карпенка паказваў Прэзідэнту вельмі важкую на выгляд папку са справаздачай аб выкананні даручэнняў. Крыху пазней ён расказваў і журналістам аб выніках сустрэчы. "Але словы словамі так і застануцца. Навучальны год стартуе і разам з першымі званкамі - куды больш гучна - прагрыміць скандал у Гомелі. І ў гэтай гісторыі будзе ўсё, аб чым так бойка рапартавалі, як пра выкананае і ліквідаванае ў школе: хамства вучняў, мабільны тэлефон у руках чацвёртакласніка і нецэнзурныя словы з боку педагога. У школе не прыдумалі нічога лепшага, як проста звольніць настаўніка. Што называецца - знойдуць крайняга замест таго, каб аб'ектыўна разабрацца ў сітуацыі. У выніку разбірацца давялося Прэзідэнту. На паверхню ўсплылі праблемы не толькі ў сістэме адукацыі, але і ў сістэме кіравання галіной", - падкрэслілі ў тэлеэфіры "Беларусь 1".

Навесці парадак у сістэме адукацыі Прэзідэнт патрабаваў неаднаразова. "Відаць, пакінуць на другі год кіраўнікі ад адукацыі вырашылі само даручэнне. Ва ўсялякім разе, прыклад школы ў Гомелі гэта пацвярджае", - прагучала ў сюжэце.

Як паведамлялася, канфліктная сітуацыя ўзнікла ў сярэдняй школе нумар 15 Гомеля на мінулым тыдні. Інцыдэнт з вучнем 4-га класа на ўроку знялі на тэлефон аднакласнікі хлопчыка, а бацькі размясцілі ролік у інтэрнэце. Настаўніка вышэйшай катэгорыі з вялікім педагагічным стажам звольнілі. Выпадак атрымаў сур'ёзны рэзананс у грамадстве. Меркаванні раздзяліліся. На бок педагога сталі многія бацькі вучняў.

Пазней настаўніка пачатковых класаў сярэдняй школы нумар 15 Гомеля аднавілі на рабоце. Пры гэтым кіраўнік дзяржавы Аляксандр Лукашэнка падпісаў распараджэнне, у адпаведнасці з якім за непрыняцце мер па навядзенні парадку ва ўстановах агульнай сярэдняй адукацыі і невыкананне даручэнняў Прэзідэнта Беларусі прыцягнуты да адказнасці шэраг службовых асоб. Строгае папярэджанне атрымалі прэм'ер-міністр Сяргей Румас, кіраўнік Адміністрацыі Прэзідэнта Наталля Качанава, намеснік прэм'ер-міністра Ігар Петрышэнка. Міністр адукацыі Беларусі Ігар Карпенка папярэджаны аб няпоўнай службовай адпаведнасці.

Старшыні Гомельскага абласнога выканаўчага камітэта даручана забяспечыць прыцягненне да дысцыплінарнай адказнасці ў выглядзе вымовы намесніка старшыні Гомельскага аблвыканкама У.Прывалава, кіраўніка адміністрацыі Навабеліцкага раёна Гомеля С.Казачка, намесніка старшыні Гомельскага гарвыканкама В.Атаманчука.

Губернатару таксама даручана забяспечыць вызваленне ад займаемых пасад у сувязі з пераводам на іншую работу начальніка галоўнага ўпраўлення адукацыі Гомельскага абласнога выканаўчага камітэта С.Парошына, начальніка ўпраўлення адукацыі Гомельскага гарадскога выканаўчага камітэта Л.Крылісценка, намесніка кіраўніка адміністрацыі Навабеліцкага раёна Гомеля Я.Копы, начальніка аддзела адукацыі, спорту і турызму адміністрацыі Навабеліцкага раёна Гомеля А.Дземенчука, галоўнага спецыяліста аддзела адукацыі, спорту і турызму адміністрацыі Навабеліцкага раёна Гомеля К.Шарамавай, дырэктара сярэдняй школы нумар 15 Гомеля М.Чарненка.

Прэм'ер-міністру, кіраўніку Адміністрацыі Прэзідэнта, міністру адукацыі і старшыні Гомельскага абласнога выканаўчага камітэта даручана забяспечыць прыцягненне да дысцыплінарнай адказнасці іншых службовых асоб, вінаватых у неналежнай рабоце ўстаноў агульнай сярэдняй адукацыі; аднавіць на рабоце Л.Чацвярткову на пасадзе настаўніка пачатковых класаў сярэдняй школы нумар 15 Гомеля; прыняць вычарпальныя меры па выкананні даручэнняў Прэзідэнта Беларусі ў сферы агульнай сярэдняй адукацыі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.