27 лістапада, Мінск /Кар. БЕЛТА/. Беларусь набліжаецца да піка другой хвалі каранавіруса. Аб гэтым заявіў кандыдат медыцынскіх навук загадчык кафедры інфекцыйных хвароб і дзіцячых інфекцый Беларускай медыцынскай акадэміі паслядыпломнай адукацыі Юрый Горбіч у праграме "Маркаў. Нічога асабістага" на тэлеканале АНТ, паведамляе БЕЛТА.
"Аб трэцяй хвалі гаварыць можна і трэба з пункту гледжання таго, што яна будзе. На гэты момант мы падыходзім да піка другой хвалі", - адзначыў Юрый Горбіч. Пры гэтым ён растлумачыў, што ў Беларусі пік захваральнасці пачнецца пазней, чым у Еўропе, паколькі там раней завяршылася першая хваля.
Інфекцыяніст таксама звярнуў увагу, што немагчыма дакладна сказаць, колькі хвалей каранавіруса трэба будзе яшчэ перажыць людзям. Медыкі проста робяць свае прагнозы, зыходзячы з вопыту барацьбы з іспанкай".
"Гэта абсалютна новы вірус, аб якім да лістапада 2019 года ніхто не гаварыў. Ды і не ведаў ніхто, напэўна, акрамя тых спецыялістаў, якія вельмі ўважліва працавалі з каранавірусам. Таму мы можам выказваць меркаванне, але сцвярджаць са стапрацэнтнай верагоднасцю - не", - падкрэсліў Юрый Горбіч.-0-