Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Лукашэнка: ганаруся беларускай моладдзю
18 Кастрычнік, 15:49 Прэзідэнт
Усе навіны

Індыйская фармкампанія інвесціравала $1 млн у праект па стварэнні вытворчасці лякарстваў у Мінску

Грамадства 15.05.2019 | 16:19
Фота з архіва
Фота з архіва

15 мая, Мінск /Кар. БЕЛТА/. Індыйская фармкампанія Cipla Limited інвесціравала $1 млн у праект па стварэнні вытворчасці лякарстваў у Мінску. Перспектывы праекта абмяркоўваліся на перагаворах старшыні Прэзідыума НАН Беларусі Уладзімір Гусакова з ганаровым консулам Беларусі ў Індыі Лаліт Чакані 14 мая, паведамілі БЕЛТА ў прэс-службе Нацыянальнай акадэміі навук Беларусі.

На сустрэчы разглядаліся пытанні пашырэння супрацоўніцтва і перспектыўных механізмаў узаемадзеяння паміж НАН і індыйскай фармацэўтычнай кампаніяй Cipla Limited, арганізацыі навукова-тэхнічнага цэнтра па вытворчасці цвёрдых лекавых форм з прымяненнем інавацыйных тэхналогій на базе дзяржаўнага прадпрыемства "Акадэмфарм" НАН Беларусі. "Індыйскі бок ужо інвесціраваў у гэты праект $1 млн. Стварэнне гэтай вытворчасці лякарстваў прадугледжвае асваенне новых тэхналагічных прыёмаў: мікранізацыі, сухога гранулявання, атрымання шматслойных таблетак і г.д. Плануецца, што вытворчасць найноўшых лекавых сродкаў у гэтым цэнтры будзе весціся па поўным цыкле - ад навуковай ідэі да вырабу", - адзначылі ў прэс-службе.

Ужо дасягнута дамоўленасць аб лакалізацыі вытворчасці на тэрыторыі Беларусі лякарстваў для лячэння сацыяльна значных захворванняў: ВІЧ-інфекцыі, гепатыту В і гепатыту С, а таксама хваробы Альцгеймера і артэрыяльнай лёгачнай гіпертэнзіі. Генпраекціроўшчык аб'екта актыўна распрацоўвае архітэктурны праект.

Згодна з пратаколам даручэнняў Прэзідэнта, дадзеных па выніках візіту дэлегацыі Беларусі ў Індыю ў верасні 2017 года, да 31 снежня 2020 года прадугледжаны трансфер тэхналогій вытворчасці прэпаратаў з удзелам спецыялістаў кампаніі Cipla Limited і арганізацыя вытворчасці на прадпрыемстве "Акадэмфарм" па поўным тэхналагічным цыкле. Плануецца, што для абмеркавання далейшага ходу рэалізацыі гэтага праекта ў ліпені 2019 года Мінск наведае дэлегацыя індыйскай фармацэўтычнай кампаніі Cipla Limited на чале са старшынёй праўлення кампаніі Юсуфам Хваджа Хамідам, ганаровым членам НАН Беларусі.

Супрацоўніцтва паміж кампаніяй Cipla Limited і прадпрыемствам "Акадэмфарм" па пытанні арганізацыі кантрактнай вытворчасці сацыяльна значных лекавых сродкаў пачата ў 2016 годзе. У жніўні 2018-га адбылася цырымонія ўрачыстага адкрыцця ландшафтнага комплексу ў гонар пачатку будаўніцтва навукова-тэхналагічнага цэнтра па вытворчасці лякарстваў на базе "Акадэмфарма".

Індыйская транснацыянальная кампанія Cipla Limited, заснаваная ў 1935 годзе, займаецца распрацоўкай, хімічным сінтэзам і вытворчасцю больш як 1 500 найменняў гатовых лякарстваў у розных формах. Кампанія вырабляе проціпухлінныя, бронхалітычныя сродкі, кортыкастэроіды, імунадэпрэсанты, хіміятэрапеўтычныя, антырэтравірусныя сродкі, антыбіётыкі, антыдэпрэсанты і інш. Cipla Limited прысутнічае ў 150 краінах свету.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.