Мабільная версія
ДЗЯРЖОРГАНЫ

Апошнія навіны
Усе навіны

Ідэя нацыянальнай дзяржавы праходзіла праз усе пакаленні беларусаў - Шарстнёў

Грамадства 03.07.2019 | 18:00
Мікалай Шарстнёў. Фота з архіва
Мікалай Шарстнёў. Фота з архіва

3 ліпеня, Віцебск /Андрэй Шчарбіцкі - БЕЛТА/. Ідэя нацыянальнай дзяржавы праходзіла праз усе пакаленні беларусаў на працягу тысячагадовай гісторыі. Такое меркаванне выказаў сёння старшыня Віцебскага аблвыканкама Мікалай Шарстнёў на ўрачыстым мітынгу, прысвечаным Дню Незалежнасці Беларусі ў Віцебску, перадае карэспандэнт БЕЛТА.

Паводле слоў Мікалая Шарстнёва, галоўнае свята беларускай дзяржаўнасці непарыўна звязана з важнейшай падзеяй у айчыннай гісторыі - вызваленнем ад нацызму. Гэта з'яўляецца сімвалам адзінства і з'яднанасці народа ў барацьбе за свабоду і незалежнасць. "Вытокі беларускай дзяржаўнасці знаходзяцца на нашай зямлі - у старажытным Полацку. Тут бярэ пачатак палітычнае і эканамічнае яднанне беларусаў. Ідэя нацыянальнай дзяржавы праходзіла праз усе пакаленні на працягу тысячагадовай гісторыі. Яркім святлом ззяюць імёны нашых слаўных землякоў Ефрасінні Полацкай, Францыска Скарыны, Сімяона Полацкага, больш блізкіх нам па часе Пятра Машэрава, Льва Даватара, Васіля Быкава, Жарэса Алфёрава і многіх іншых, якія пакінулі прыкметны след у гісторыі і культуры Віцебшчыны", - адзначыў губернатар.

Працэс стварэння дзяржавы быў доўгі і няпросты. Вызначальным тут стала ХХ стагоддзе, яго вялікія і драматычныя падзеі. "У пачатку гэтага года мы адзначылі 100-годдзе БССР. Савецкі вопыт будаўніцтва беларускай дзяржаўнасці павучальны і ў нашы дні. У тыя гады былі закладзены асновы індустрыяльнага развіцця, атрыманы багаты аграрны патэнцыял, расцвіла нацыянальная культура", - сказаў кіраўнік вобласці.

Мікалай Шарстнёў акцэнтаваў увагу на найвялікшых выпрабаваннях, якія выпалі на долю беларусаў у гады Вялікай Айчыннай вайны. Гісторыя захоўвае нямала прыкладаў сапраўднай мужнасці людзей, праяўленай у бітвах на віцебскай зямлі. "На Віцебшчыне дзейнічала 59 партызанскіх брыгад, два палкі - трэць усяго складу беларускага партызанскага руху. Да канца 1943 года звыш 60 працэнтаў тэрыторыі вобласці знаходзілася пад пастаянным кантролем партызан. Вялікую дапамогу ім аказвалі падпольшчыкі - падполле рэгіёна было адным з найбольш шматлікіх і дзейсных у краіне", - дадаў губернатар.

За час акупацыі загінулі 244 тыс. жыхароў вобласці. Больш за 100 тыс. былі адпраўлены ў рабства ў Германію. У тагачасных Асвейскім, Бягомльскім, Дубровенскім і Расонскім раёнах не засталося ні аднаго ўцалелага паселішча.

"Гістарычная сувязь пакаленняў з'яўляецца асновай развіцця грамадства. Памяць - гэта трывожны звон гісторыі. Ён папярэджвае свет, што любая вайна - гэта безразважнасць, ні адна мэта не варта чалавечага жыцця. Вайна пакінула глыбокі след у генетычнай памяці беларусаў. Сёння мы павінны быць дастойнымі гістарычнай эстафеты, перададзенай нам пакаленнем Пераможцаў", - падкрэсліў Мікалай Шарстнёў.

Святочныя мерапрыемствы ў Віцебску стартавалі з адкрыцця мемарыяльнай дошкі ўдзельніку Вялікай Айчыннай вайны, ганароваму грамадзяніну Віцебска Мікалаю Сакмаркіну. Пасля запальвання агню каля памятнага знака "Ордэн Перамогі" ўдзельнікі прайшлі ўрачыстым шэсцем па Маскоўскім праспекце да плошчы Перамогі і Вечнага агню. Да яго кіраўніцтва вобласці і госці свята ўсклалі кветкі і вянкі. Потым адбыўся мітынг і парад, які ў першым радзе глядзелі ветэраны. На розных пляцоўках горада прадаўжаецца святкаванне Дня Незалежнасці.

З 21.00 на плошчы Перамогі пройдзе канцэрт "За моцную і квітнеючую Беларусь", які завершыцца акцыяй "Спяём гімн разам!" і салютам.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Стаўка рэфінансавання зніжаецца да 9 працэнтаў гадавых З 20 лістапада 2019 года стаўка рэфінансавання Нацыянальнага банка Рэспублікі Беларусь зніжаецца на 0,5 працэнтнага пункта да 9% гадавых, стаўка па крэдыце авернайт - з 10,75% да 10% гадавых, стаўка па дэпазіце авернайт - з 8,25% да 8% гадавых.