ДЗЯРЖОРГАНЫДЗЯРЖОРГАНЫ
Флаг Нядзеля, 19 верасня 2021
Мінск Пераменная воблачнасць +6°C
Усе навіны
Усе навіны
Грамадства
21 чэрвеня 2021, 11:41

Ідэі перавагі адных народаў над іншымі сёння маскіруюцца пад клопат аб дэмакратыі - меркаванне

Каліна Капуцкая. Фота sch14.molodechno.edu.by
Каліна Капуцкая. Фота sch14.molodechno.edu.by

21 чэрвеня, Мінск /Кар. БЕЛТА/. Ідэі перавагі адных народаў над іншымі нікуды не зніклі, а ўмела маскіраваліся ўсе гэтыя дзесяцігоддзі пад выглядам клопату аб развіцці дэмакратыі ў нашай краіне. Такое меркаванне карэспандэнту БЕЛТА выказала член Савета Рэспублікі дырэктар сярэдняй школы нумар 14 г.Маладзечна Каліна Капуцкая.

"Набліжаецца памятная дата - 22 чэрвеня. Гэта дзень, які назаўсёды ўвайшоў у гісторыю нашага народа як пачатак агрэсіўных і нічым не апраўданых дзеянняў гітлераўскай Германіі ў адносінах да савецкага народа. План прыніжэння і знішчэння беларусаў як нацыі, народа быў настолькі жорсткі, што і сёння выклікае абурэнне. Акупанты спальвалі гарады, вёскі, вывозілі прамысловае абсталяванне, сыравіну, лес, культурна-гістарычныя каштоўнасці, стваралі канцлагеры, прымянялі карныя меры, выкарыстоўвалі палітыку генацыду для дасягнення сваіх мэт, - падкрэсліла Каліна Капуцкая. - Аднак, як мы бачым сёння, ідэі перавагі адных народаў над іншымі нікуды не зніклі, а ўмела маскіраваліся ўсе гэтыя дзесяцігоддзі пад выглядам клопату аб развіцці дэмакратыі ў нашай краіне. Нас заспакойвалі расказамі аб "еўрапейскіх каштоўнасцях", гаварылі, як дрэнна ў нас і як добра ў іх, паступова вырошчвалі пачуццё непаўнацэннасці, фарміравалі нянавісць да ўсяго, што асацыюецца з маладой беларускай дзяржавай".

Сенатар канстатавала, што за ўсё гэта ніхто не нясе адказнасці, як і ў часы акупацыйнага рэжыму на тэрыторыі Беларусі, калі злачынныя дзеянні нямецкіх салдат і калабарантаў, якія сталі на іх бок, былі апраўданы.

"Беларусам варта прааналізаваць мінулыя і сучасныя геапалітычныя працэсы і не дапусціць паўтарэння адкрытага генацыду беларускага народа", - падагульніла Каліна Капуцкая.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі