Сцяг Чацвер, 28 сакавіка 2024
Усе навіны
Усе навіны
Грамадства
07 ліпеня 2022, 12:37

Худык: выкарыстанне энергіі з біягазу найбольш спрыяльна для экалогіі

7 ліпеня, Мінск /Кар. БЕЛТА/. Выкарыстанне энергіі з біягазу найбольш спрыяльна для экалогіі Беларусі. Аб гэтым у час прыёму грамадзян заявіў міністр прыродных рэсурсаў і аховы навакольнага асяроддзя Андрэй Худык, паведамілі БЕЛТА ў прэс-службе ведамства.

Як расказалі ў прэс-службе, да міністра звярнуліся прадстаўнікі дзвюх арганізацый, якія займаюцца вытворчасцю энергіі з біягазу, з падобнымі просьбамі - аказаць садзейнічанне ва ўстанаўленні больш высокіх стымулюючых каэфіцыентаў да дзеючых тарыфаў на электрычную энергію, паколькі гэтыя тарыфы вядуць да страты рэнтабельнасці прадпрыемстваў. Андрэй Худык выказаў гатоўнасць аказаць падтрымку арганізацыям у межах кампетэнцыі ведамства.

"Важнасць развіцця выкарыстання АКЭ (аднаўляльных крыніц энергіі. - Заўвага БЕЛТА) у нашай краіне не выклікае ніякіх сумненняў. І не толькі таму, што гэты від энергетыкі забяспечвае эканомію нафты і газу, якія ў большай ступені з'яўляюцца для Беларусі імпартуемым таварам. Аднаўляльная энергетыка садзейнічае скарачэнню выкідаў парніковых газаў у атмасферу і ўносіць неабходны ўклад у барацьбу з глабальным змяненнем клімату. А калі асобна выдзяляць з усіх варыянтаў выкарыстання АКЭ працэс вытворчасці энергіі з біягазу, то ён з пункту гледжання экалогіі найбольш выгадны для Беларусі", - адзначыў міністр.

Біягаз паліўны ўяўляе сабой сумесь газаў, асноўным кампанентам якой з'яўляецца метан. Энергія 1 куб. м біягазу эквівалентна энергіі 0,6 куб.м прыроднага газу. Сыравінай для яго атрымання служыць біямаса - адходы жывёлагадоўлі і раслінаводства, малочнай і харчовай прамысловасці, іншыя арганічныя адходы. Пасля выпрацоўкі біягазу біямаса ператвараецца ў біяўгнаенне, пазбаўленае спецыфічных пахаў, багатае на фосфар, калій, азот і іншыя біягенныя макра- і мікраэлементы. Такім чынам пры вытворчасці біягазавага паліва вырашаецца праблема ўтылізацыі арганічных адходаў і адпаведна зніжаецца антрапагенная нагрузка на навакольнае асяроддзе. Біягаз таксама можна атрымаць пры дэгазацыі палігонаў цвёрдых камунальных адходаў, што ў дапаўненне да змяншэння антрапагеннага ўздзеяння мінімізуе непрыемны пах на гэтых аб'ектах і зніжае рызыку ўзнікнення пажараў на палігонах.

Згодна з данымі дзяржаўнага кадастру аднаўляльных крыніц энергіі, электрычная магутнасць дзеючых біягазавых установак у Беларусі складае каля 48 МВт. Упраўленню рэгулявання ўздзеяння на атмасфернае паветра, змяненне клімату і экспертызы Мінпрыроды было даручана падрыхтаваць пазіцыю прыродаахоўнага ведамства адносна разгледжаных на прыёме пытанняў з далейшым накіраваннем яе ў Міністэрства антыманапольнага рэгулявання і гандлю і Міністэрства энергетыкі.-0-

Падпісвайцеся на нас у
Twitter
Топ-навіны
Свежыя навіны Беларусі