Фота з архіва
19 мая, Мінск /Кар. БЕЛТА/. Начальнік упраўлення агульнай сярэдняй адукацыі - намеснік начальніка галоўнага ўпраўлення агульнай сярэдняй і дашкольнай адукацыі Міністэрства адукацыі Ірына Каржова расказала журналістам аб тым, хто ў гэтым годзе можа быць вызвалены ад здачы цэнтралізаваных экзаменаў, перадае карэспандэнт БЕЛТА.
Як і раней, ад цэнтралізаванага экзамену могуць быць вызвалены пераможцы заключнага этапу рэспубліканскай алімпіяды па вучэбных прадметах, пераможцы трэцяга этапу рэспубліканскай алімпіяды па адпаведным вучэбным прадмеце, а таксама навучэнцы, якія вучыліся дома. "У адпаведнасці з Правіламі правядзення атэстацыі навучэнцаў у 2026 годзе разам з гэтай катэгорыяй навучэнцаў ад ЦЭ могуць быць вызвалены навучэнцы, якія маюць захворванні, уключаныя ў пералік захворванняў, зацверджаны Міністэрствам аховы здароўя. Гэта так званае вызваленне па медыцынскіх паказаннях. Тут звяртаю ўвагу на тое, што тыя школьнікі, якія навучаліся дома, а ў нас навучанне дома магчыма толькі па медыцынскіх паказаннях, і тыя, хто вызваляецца ад ЦЭ па медыцынскіх паказаннях, у гэтым годзе атэстат аб агульнай сярэдняй адукацыі атрымаюць, але ўдзельнічаць ва ўступнай кампаніі яны змогуць толькі ў наступным годзе", - растлумачыла Ірына Каржова.
Таксама ўнесеныя змяненні ў Інструкцыю па арганізацыі і правядзенні цэнтралізаванага экзамену датычацца допуску ў пункт правядзення цэнтралізаванага экзамену навучэнцаў, для якіх патрабуецца стварэнне асаблівых умоў. "У мінулым годзе ўзнікалі пытанні, якія датычацца допуску ў пункты ЦЭ навучэнцаў, якім патрабуецца ўстройства мабільнай сувязі для кантролю стану здароўя, напрыклад, кантролю ўзроўню цукру ў крыві. Узнікалі пытанні і аб праходжанні цэнтралізаванага экзамену навучэнцамі з парушэннямі слыху і апорна-рухальнага апарату. Цяпер у дакуменце прапісана, што навучэнцы, якім неабходна мабільнае ўстройства для кантролю стану здароўя, дапускаюцца ў пункт правядзення з гэтым мабільным устройствам. Катэгорыя гэтых навучэнцаў вызначаецца пры правядзенні рэгістрацыі на ЦЭ", - праінфармавала прадстаўнік Мінадукацыі.
Удзельнікі ЦЭ, якія маюць парушэнне функцый апорна-рухальнага апарату, а таксама тыя, хто ў 11-м класе выкарыстоўваў устройствы ў тым ліку мабільнай сувязі з праграмным забеспячэннем для кантролю стану здароўя, могуць не прымаць удзел у жараб'ёўцы месцаў для размяшчэння ў аўдыторыях ЦЭ. Іх размяшчэннем будзе займацца педагагічны работнік, які знаходзіцца ў аўдыторыі, з улікам патрэбнасці ў стварэнні спецумоў.
Яшчэ адно новаўвядзенне датычыцца таго, што ў аўдыторыі ў час правядзення іспытаў не зможа знаходзіцца педагагічны работнік, па прадмеце якога праводзіцца ЦЭ.-0-
Як і раней, ад цэнтралізаванага экзамену могуць быць вызвалены пераможцы заключнага этапу рэспубліканскай алімпіяды па вучэбных прадметах, пераможцы трэцяга этапу рэспубліканскай алімпіяды па адпаведным вучэбным прадмеце, а таксама навучэнцы, якія вучыліся дома. "У адпаведнасці з Правіламі правядзення атэстацыі навучэнцаў у 2026 годзе разам з гэтай катэгорыяй навучэнцаў ад ЦЭ могуць быць вызвалены навучэнцы, якія маюць захворванні, уключаныя ў пералік захворванняў, зацверджаны Міністэрствам аховы здароўя. Гэта так званае вызваленне па медыцынскіх паказаннях. Тут звяртаю ўвагу на тое, што тыя школьнікі, якія навучаліся дома, а ў нас навучанне дома магчыма толькі па медыцынскіх паказаннях, і тыя, хто вызваляецца ад ЦЭ па медыцынскіх паказаннях, у гэтым годзе атэстат аб агульнай сярэдняй адукацыі атрымаюць, але ўдзельнічаць ва ўступнай кампаніі яны змогуць толькі ў наступным годзе", - растлумачыла Ірына Каржова.
Таксама ўнесеныя змяненні ў Інструкцыю па арганізацыі і правядзенні цэнтралізаванага экзамену датычацца допуску ў пункт правядзення цэнтралізаванага экзамену навучэнцаў, для якіх патрабуецца стварэнне асаблівых умоў. "У мінулым годзе ўзнікалі пытанні, якія датычацца допуску ў пункты ЦЭ навучэнцаў, якім патрабуецца ўстройства мабільнай сувязі для кантролю стану здароўя, напрыклад, кантролю ўзроўню цукру ў крыві. Узнікалі пытанні і аб праходжанні цэнтралізаванага экзамену навучэнцамі з парушэннямі слыху і апорна-рухальнага апарату. Цяпер у дакуменце прапісана, што навучэнцы, якім неабходна мабільнае ўстройства для кантролю стану здароўя, дапускаюцца ў пункт правядзення з гэтым мабільным устройствам. Катэгорыя гэтых навучэнцаў вызначаецца пры правядзенні рэгістрацыі на ЦЭ", - праінфармавала прадстаўнік Мінадукацыі.
Удзельнікі ЦЭ, якія маюць парушэнне функцый апорна-рухальнага апарату, а таксама тыя, хто ў 11-м класе выкарыстоўваў устройствы ў тым ліку мабільнай сувязі з праграмным забеспячэннем для кантролю стану здароўя, могуць не прымаць удзел у жараб'ёўцы месцаў для размяшчэння ў аўдыторыях ЦЭ. Іх размяшчэннем будзе займацца педагагічны работнік, які знаходзіцца ў аўдыторыі, з улікам патрэбнасці ў стварэнні спецумоў.
Яшчэ адно новаўвядзенне датычыцца таго, што ў аўдыторыі ў час правядзення іспытаў не зможа знаходзіцца педагагічны работнік, па прадмеце якога праводзіцца ЦЭ.-0-
